Tag: Women's Health

Categories
Blog Article Women's Health

All you need to know about Gestational Diabetes

ගර්භණී සමයේ මතු වන දියවැඩියාව

Shares
Post Views: 1,961

 මවක් වීමේ සිහිනය ඉටු කර ගැනීම බොහෝ කාන්තාවන්ගේ බලාපොරොත්තුවකි.මාස නවයක කාලයක් තම කුස තුළ වැඩෙන දරුවා ආරක්ෂා කර ගැනීමට මවුවරු වෙහෙසෙති.එහෙත් දරුවෙකු කුසට පැමිණීමත් සමඟ කාන්තාවකගේ ශරීරයේ සිදු වන හෝමෝන වෙනස් වීම් හේතු කරගෙන නොයෙකුත් ලෙඩ රෝග මතු වීමට ඉඩකඩ පවතියි. ඒ අතර සුලභ තත්වයක් වශයෙන් ගර්භණී සමයේ දී මතු වන දියවැඩියාව හැඳින්විය හැකිය.

එසේනම් ගර්භණී සමයේ දියවැඩියාව යනු කුමක්ද?

 යම් කාන්තාවක් ගර්භණී වූ විට රුධිර ගත සීනි මට්ටම, ග්ලූකෝස් මට්ටම ඉහල යාම නිසා මෙම තත්වය ඇති වෙයි.

දියවැඩියාව ඇති වීමත් සමඟ මවක් තුළ හිසරදය, තෙහෙට්ටුව, අඳුරු පෙනුමක් මතු වීම, හයිපර්ග්ලිසීමියා ( අධි රුධිර සීනි තත්වය) දැකිය හැකි වෙයි.

 

යම් කාන්තාවක් ගර්භණී වීමත් සමඟ දියවැඩියාව තත්වයට මුහුණ දීමට බලපාන හේතු මොනවාද?

  • ගර්භණී සමයේ සිරුරේ බර අසීමිතව වැඩි වීම
  • මෙයට පෙර සිට දියවැඩියාවෙන් පෙළෙන මවක් වීම
  • පවුලේ මව, පියා දියවැඩියාවෙන් පෙළෙන අය වීම නිසා මතු වන ජාන ගත තත්වයන්
  • නිවුන් දරුවන් අපේක්ෂාවෙන් සිටින මවක් වීම
  • නිතර ගබ්සා වීම් සිදු වන මවක් වීම
  • හේතු රහිතව මළ දරු උපත් සිදු වීම
  • මවගේ වයස අවුරුදු 35 වැඩි වීම
  • දරුවන් සිටින මවක් නම් ඇය නැවත ගර්භණී වීමෙන් අනතුරුව බර කිලෝ 4 ට වඩා වැඩි වීම හේතුවෙන් දියවැඩියා අවධානමට ලක් වෙයි

එසේනම් මෙම දියවැඩියා තත්වයට මුහුණ පාන මවක් තුළ ඇති විය හැකි සංකූලතා මොනවාද?

  • ගර්භණී සමයේ වකුගඩු සහ මුත්‍රා මාර්ගය ආශ්‍රිත ආසාදනයන් මතු වීම
  • අධි රුධිර පීඩනය ඇති වීම
  • වැදමහ ආශ්‍රිත ගැටළු සහ සංකූලතා මතු වීම
  • ගර්භණී සමය තුළ රුධිර වහනයන් සිදු වීම
  • ප්‍රසූතියෙන් පසු කාලසීමාවේ දී ඇති වන රුධිර ආසාදනයන්
  • නහරවල ලේ කැටි ගැසීම(Thrombosis)

                                         මෙම දියවැඩියාව තත්වය වැළඳුන විට ඇතැම් අවස්ථාවන්වල දී අලුත උපන් දරුවාගේ රුධිර ගත සීනි ප්‍රමාණය ඉහල යා හැකිය.

 

එසේම ඉපදෙන්නට සිටින දරුවාට ආමාශගත රෝග, වලිප්පුව සෑදීමේ ප්‍රවනතාවන් මතු වෙයි.

 නමුත් මවට දියවැඩියාව වැළඳී ඇති සියලු දරුවන් රෝගීන් බවට පත් වන්නේ නැත. නියමිත සායන සහ වෛද්‍යය උපදෙස්  මත ක්‍රියා කිරීමෙන් මෙම තත්වය සමනය කර ගත හැකිය.

හුදෙක්ම මෙම තත්වය ප්‍රසූතියෙන් අනතුරුව පහව යයි. නමුත් ගර්භණී භාවයට පත් වූ පසු ඔබ නිවැරදි වෛද්‍යය උපදෙස් මත කෑම පාලනය, ව්‍යායාම සිදු කරන්නේ නම් අවධානම් තත්වයන්ට ගමන් කිරීම වලක්වා ගත හැකිය.

ගර්භණී වීමෙන් සති 12 කට පසුව PPBS රුධිර පරීක්ෂණයක් සිදු කර ගැනීමෙන් හෝ සති 24 – 28 ත් අතර ග්ලූකෝස් ටොලරන්ට් ටෙස්ට් ( OGTT) එකක් කර ගැනීමෙන් කල් තියා දියවැඩියා තත්වයන් පිළිබඳ දැනුවත් විය හැකිය.

මන්ද පලමු මාස තුන තුළ රුධිරයේ සීනි මට්ටම ඉහල යාම නිසා ගැබ් ගෙළ විෂමතා මතු විය හැකි බැවින් ය. තව ද නීරෝගී මවකට වඩා දියවැඩියාවෙන් පෙළෙන මවකට මළදරු උපත් සිදු වීමේ හැකියාව ඉතා ඉහල මට්ටමක පවතියි.

ඒ අනුව දියවැඩියාවෙන් පෙළෙන මවකට,

  • දරු ප්‍රසූතියේ දී අධික බර සහිත දරු උපත් සිදු වීම
  • දින සම්පූර්ණව තිබියදී හේතු රහිත මළදරු උපත් සිදු වීමේ හැකියාව
  • පෙර කිවූ අයුරින් ගබ්සා වීමේ අවධානම
  • සාමාන්‍යය ප්‍රමාණයට වඩා විශාල හිසක් සහිත දරුවන් බිහි වීම
  • කායික අසාමාන්‍යයතා සහිත දරුවන් බිහි වීම
  • දරු ප්‍රසූතියේ දී උපත් නාලය තුළ දරුවා සිර වීම නිසා දරුවාට හුස්ම ගැනීමේ අසීරුතා මතු වීම සිදු වෙයි

මෙවන් තත්වයන්ගෙන් මිදීමට නම් ගර්භණී මවක් විසින් හොඳ සෞඛ්‍යය පුරුදු අනුගමනය කළ යුතු ය. එනම්,

  • නිවැරදි ආහාර රටාවන්

ක්ෂණික ආහාර, පිටි කෑම, අධික සීනි මිශ්‍ර ආහාර, කැවිලි වර්ග මෙන් ම සමබර නොවන ආහාර රටාවන්ගෙන් වැළකී සිටිය යුතු ය.

  • නිති පතා (වෛද්‍යය උපදෙස් මත) සැහැල්ලු ව්‍යායාම සිදු කළ යුතු ය
  • නියමිත රුධිර පරීක්ෂාවන් (වෛද්‍යය උපදෙස් මත) සිදු කරන්න
  • නියමිත සායනවලට නිරන්තරයෙන් සහභාගි වන්න
  • ආහාර හිතුමතයට ගැනීමෙන් වලකින්න
  • නියමිත වෛද්‍යය උපදෙස් මත පමණක් විටමින් වර්ග ලබා ගැනීමට කටයුතු කරන්න

දරුවෙකු බිහි වීමට සිටින කාල සීමාව කාන්තාවකට ඉතාමත් තීරණාත්මක වෙයි. එබැවින් ඔබගේ ආහාර රටාවන්, ව්‍යායාම කිරීම් නිරන්තරයෙන් වෛද්‍යය  සහ සායනවලින් ලබා දෙන උපදෙස් මත සිදු කළ යුතු ය. නමුත් යම් අවස්ථාවක දී ඔබට ආහාර සම්බන්ධයෙන් පෝෂණවේදී විශේෂඥවරයෙකු හෝ ප්‍රසව හා නාරි වෛද්‍යයවරයෙකු සම්බන්ධ කරගැනීමට කඩිනම් අවශ්‍යයතාවයක් මතු වුව හොත් oDoc ඇප් එක හරහා පහසුවෙන් ඉටු කර ගත හැකිය. ලෝකයේ ඕනෑම තැනක සිට ඕනෑම වේලාවක ජංගම දුරකථනය හරහා සාමාන්‍යය වෛද්‍යයවරයෙකුගේ සිට විශේෂඥ වෛද්‍යයවරයෙකු හා සම්බන්ධ වන්න.දැන්ම oDoc ඇප් එක ඩවුන්ලෝඩ් කර ගන්න.

ආශ්‍රිත කියවීම්

  1. ගර්භණී සමයට සීමා වූ දියවැඩියා තත්වය – Gestational Diabetes Mellitus ( GDM), 2014 Nov 12,Dr.H Vithana,askmydoctor.lk
  2. ගර්භණී සමයේ දියවැඩියාව ( Gestational Diabetes Mellitus ) Vog Dr.Dr.Chaminda Mathota, 2016 May 10,vog.lk
  3. දියවැඩියාව සහ ගර්භණී භාවය : සෞඛ්‍යය සම්පන්න වීමට උපදෙස්, 2007 Sep 18, Heder M Ross.
  4. ගර්භණී සමයේ දියවැඩියාව ගැන අම්මලා නොදන්නා කරුණු, Nadeesha Lakmini, theasianparent.
  5. ගර්භණී සමයේ දියවැඩියාව, පාලනය කිරීමට ඉඟි, 2014, එලිසබෙත් වැනලී,com
  6. දියවැඩියාව මවු කුසේ සිටින දරුවාටත් බලපාන හැටි,2014 Aug 3, BBC සිංහල
Shares
Post Views: 1,961

Similar Articles...

Endometriosis

අප්‍රේල් 4, 2022

Endometriosis No woman looks forward to “that time of the month.” Dealing with nausea, stomach cramps, mood swings, back pains and fatigue, all whilst facing

Read More »

Channel a doctor in just three taps

දැන්ම oDoc ඩවුන්ලෝඩ් කරන්න

oDoc ඩවුන්ලෝඩ්

Back to oDoc Blog

Categories
Blog Article

Endometriosis

ගැබ් ගැනීම ප්රමාද කරවන එන්ඩොමෙට්රියෝසිස් තත්වය

Shares
Post Views: 2,118
සරලවම එන්ඩොමෙට්‍රියෝසිස් තත්වය යනු කුමක්ද?

 අපගේ ගර්භාෂයේ ඇති පටක මාස් පතා බිඳ වැටීම හේතුවෙන් ඔසප් චක්‍රය සිදු වන බව අප කවුරුත් දන්නා විද්‍යාත්මක සත්‍යයකි. එම බිඳවැටීමට ලක් වන පටක යෝනි මාර්ගය හරහා පිටව යයි.

එහෙත් ගර්භාෂය ඇතුළත බිත්තියේ පවතින පටක සිරුරේ වෙනත් ස්ථානයන් හි හටගත්තොත්?

එවිට එම පටක බිඳ වැටෙන විට ඒවා රුධිරය හරහා පිටව යෑමට මාර්ගයක් නොමැති වුව හොත් එම පටක මිශ්‍ර රුධිරය අපව රෝගී තත්වයට පත් කරයි. අපි එය එන්ඩොමෙට්‍රියෝසිස් රෝගී තත්වය ලෙස හඳුන්වමු.

බොහෝ විට එන්ඩොමෙට්‍රියෝසිස් රෝගී තත්වය ඩිම්බකෝෂ, පැලෝපීය නාල,ගර්භාෂයෙන් පිටත පෘෂඨයේ බඩවැල්, උදර කුහරය තුළ ඇති වෙනත් අවයව තුළ හට ගනියි. එසේම ඉතා කලාතුරකින් උදර කුහරයෙන් පිටත එන්ඩොමෙට්‍රියෝසිස් රෝගය මතු විය හැකි ය

 ශෝචනීය තත්වය නම් කාන්තාවන්ට සිය ජීවිත කාලය පුරාවටම මෙම රෝගී තත්වය පැවතිය හැකි වීම යි.එනම් ඊස්ට්‍රජන් හෝමෝනය ශරීරයේ නිපදවීමේ ක්‍රියාකාරීත්වය හේතුවෙන් මෙම එන්ඩොමෙට්‍රියෝසිස් රෝගය උත්සන්න වෙන අතර ඔසප් චක්‍රය නැවතී ඇති අයෙකු තුළ මෙම තත්වය නොපවතින බව වෛද්‍යය අදහස යි.

එසේනම් එන්ඩොමෙට්‍රියෝසිස් රෝගී තත්වය පවතින කාන්තාවන් තුළ පෙන්වන ලක්ෂණ මොනවාද?
  • දිගු කාලයක් තිස්සේ පවතින සුව නොවන උදර වේදනාව
  • ඔසප් වන විට සාමාන්‍යය වේදනාව ඉක්මවා පවතින අධික වේදනාව
  • ලිංගික සංසර්ගයේ දී සහ ඉන් පසුව කොන්දේ සහ උකුලේ ඇති වන වේදනාත්මක තත්වයන්
  • අක්‍රමවත් ඔසප් චක්‍රය
  • ශරීරයේ බර අඩු වීම
  • මලබද්ධය හෝ අතීසාරය
  • බඩ පිපුම හෝ ක්‍රමවත් අයුරින් මලපහ නොවීම
  • වැසිකිළි යාමේ දී මතු වන වේදනාව
  • මදසරුබව – දරු පිළිසිඳගැනීම් සිදු නොවීම

වැනි තත්වයන් මතු විය හැකි වුවත් යම් කාන්තාවකට ඉහත ලක්ෂණ කිසිවක් නොපෙන්වා වුව ද එන්ඩොමෙට්‍රියෝසිස් රෝග තත්වය පැවතිය හැකිය. එබැවින් මෙම රෝගී තත්වය මුල් අවධියේ හඳුනා නොගැනීම මඟින් කාන්තාවන්ව තරමක් අවධානම් තත්වයකට පත් කරයි.

මෙම එන්ඩොමෙට්‍රියෝසිස් රෝගී තත්වය පවතින කාන්තාවක්ගේ ශරීරයට සිදු වන්නේ කුමක්ද?
  • ගර්භාෂයේ බිත්ති මත හට ගන්නා පටක වෙනත් ස්ථානයක ඇති වීම හේතුවෙන් එහි ක්‍රියාවලිය ගර්භාෂය තුළ සිදු වූ ක්‍රියාවලියට සමානව සිදු වීම. එනම් නොකඩවා ඔසප් වීම සිදු වීම
  • උකුලේ පටකවලින් එහාට ගොස් ඩිම්බකෝෂ දක්වා වර්ධනය වීම
එන්ඩොමෙට්‍රියෝසිස් රෝගී තත්වය වැළඳීමට වැඩි අවධානමක් ඇත්තේ කාටද?
  • වැඩිවියට පැමිණි කාන්තාවන්ට
  • පරම්පරාවෙන් එන්ඩොමෙට්‍රියෝසිස් රෝගය පැමිණීම
  • ඔසප් චක්‍රය දින 28 ට අඩුවෙන් සිදු වන කාන්තාවන්ට
  • ඔසප් වීම දින හතක් පවතින කාන්තාවන්ට
  • වයස අවුරුදු 12 ට පෙර වැඩිවියට පත් වූ කාන්තාවන්ට
  • විවාහා වී වසරක් ගත වුව ද ( උපත් පාලන ක්‍රමයන්ගෙන් වැළකී වසරක කාලයක් සාමාන්‍යය ලිංගික කටයුතුවල නිරත වූ) ගැබ් ගැනීමක් නොතිබුණු කාන්තාවන්ට
  • ඔසප් රුධිරය ගලා යාම අවහිර වන සේ පිහිටා ඇති, ගර්භාෂයේ,ගැබ් ගෙලහි හෝ යෝනි මාර්ගයේ අසාමාන්‍යය හැඩය
එන්ඩොමෙට්‍රියෝසිස් තත්වය වලක්වා ගැනීමට කළ යුතු දේවල් මොනවාද?
  • අපගේ ශරීරයේ රසායනික තත්වයන්, පටක ස්වභාවයන්, ශරීර අවයවවල සංකූලතා බොහොමයක් ඇති වන්නේ අපගේ මානසික සමබරතාවය ගිලිහී ගිය විට ය. එබැවින් මූලික වශයෙන් ඔබ කාන්තාවක් නම් ඔබගේ මානසික සුවතාවය පිළිබඳව මනා අයුරින් සිතිය යුතු ය.
  • සමබර ආහාර වේල් ගැනීමට හැකි පමණ උත්සාහ කරන්න. ඔබගේ ගෙවත්තේ තිබෙන මැල්ලුම්, එළවළු වර්ග, පළතුරු හැකි පමණ ආහාරයට එකතු කර ගන්න. රසායනික තෙල් පොහොර අඩංගු ආහාරවලින් වැළකී සිටින්නට උත්සාහ කරන්න
  • හොඳින් ජලය පානය කරන්න
  • දිනකට විනාඩි තිහක් වත් සැහැල්ලු ව්‍යායාමවල නිරත වන්න
  • ප්‍රමාණවත් ලෙස නින්ද ලබා ගන්න
  • මානසික ආතතිය අවම කරන යෝගා ව්‍යායාම සහ භාවනා කිරීමට විනාඩි කිහිපයක් හෝ උත්සාහ කරන්න

 ඔබ හෝ ඔබගේ ආදරණීයයන් මෙවන් රෝග ලක්ෂණවලින් පෙළෙන බවට සලකුණු පවතී නම් ඉතාමත් පහසුවෙන් නිවසේ සිට oDoc ඇප් එක හරහා ප්‍රසව හා නාරි වෛද්‍යයවරයෙකු සමග සම්බන්ධ විය හැකි ය. ලෝකයේ ඕනෑම තැනක සිට ඕනෑම වේලාවක කතා කරන්න, අදම oDoc ඇප් එක ඩවුන්ලෝඩ් කර ගන්න

 ආශ්‍රිත කියවීම්

  • එන්ඩොමෙට්‍රියෝසිස්,org.au, sinhala, assets.jeanhailes.org.au
  • Endometriosis – එන්ඩොමෙට්‍රියෝසිස් රෝග තත්වය ගැන රුධිර සාකච්ඡාව, Dr.Chaminda Mathota, Youtube.
  • එන්ඩොමෙට්‍රියෝසිස් සහ මදසරු භාවය, හශිනි නිමන්තිකා, සුවහස්,wordpress.com
  • එන්ඩොමෙට්‍රියෝසිස් රෝග තත්වය ගැන ටිකක් දැනගනිමු, සුවසෙවන, සැප්තැම්බර්,2017,www.suwasewana.com
  • කාන්තාවන්ට අධිකව වද දෙන එන්ඩොමෙට්‍රියෝසිස්, 2019 අගෝස්තු 10, දේශය, www.deshaya.lk

 

Shares
Post Views: 2,118

Similar Articles...

Channel a doctor in just three taps

දැන්ම oDoc ඩවුන්ලෝඩ් කරන්න

oDoc ඩවුන්ලෝඩ්

Back to oDoc Blog

Categories
Blog Article

What is the pelvic floor and why is it so important?

pelvic floor

ලිංගික ජීවිතය ආරක්ෂා කරන "මාංශපේශිය"

Shares
Post Views: 2,954

අප සියලු දෙනාටම පවුලක් ලෙස එකට ජීවත් වීමට නිවසක් පවතිනවා සේම ශරීරයේ උදරයෙන් පහළ කොටසට සෙවන දෙන්නට නිවසක් පවතියි. එය පහත රූපයේ ආකාරය ගන්නා නිවසකි. විද්‍යාව තුළ එම නිවස “ශ්‍රෝණිය” ලෙස හඳුන්වයි.

මෙම නිවස තුළ පවුලක් ලෙස,

මුත්‍රාශය, මුත්‍රා මාර්ගය සහ එහි සුශුම්නාව, ගුද මාර්ගය, ප්‍රජනක අභ්‍යන්තර අවයව ( ගර්භාෂය, ඩිම්බකෝෂ, නාල, කාන්තාවන්ගේ යෝනි මාර්ගය, පිරිමින්ගේ නම් පුරස්ථි ග්‍රන්ථිය පවතියි.

මෙම නිවසත් නිවසේ ජීවත් වන සාමාජික පිරිසත් අපගේ ශරීරය පවත්වා ගැනීමට එක ලෙස වැදගත් වෙයි.

ඕනෑම නිවසක් ශක්තිමත් වන්නේ එහි අත්තිවාරම ( Foundation ) අනුවය. එබැවින් මෙම ශ්‍රෝණිය නම් නිවසේ ජීවත් වන නිවැසියන්ට ශක්තිය සපයන්නේ පහත රූපයේ කොළ පාටින් සලකුණු කර ඇති මාංශපේශියයි. මේවා වෛද්‍යය විද්‍යාව තුළ ශ්‍රෝණි මාංශපේශි නොහොත් පැල්වික් පේශි ( Pelvic Floor ) ලෙස හඳුන්වයි

එසේනම් මෙම මාංශපේශියේ කාර්යය කුමක්ද?
  • ඔසප් චක්‍රය පහසු කිරීම
  • ගර්භණී කාලයේ දී කළලය ආරක්ෂා කිරීම
  • දරු ප්‍රසූතියේ දී ඇති වන ගැටළු වැලැක්වීම
  • ශ්‍රෝණිය ආශ්‍රිතව ඇති වන ගැටළු අවම කරයි.
  • රුධිර සංසරණය සාමාන්‍යය තත්වයට පත් කිරීමට උපකාරී වෙයි.
  • ස්වභාවික තෙතමනය වැඩි කරයි
  • ලිංගික සංසර්ගය පහසු කරයි
  • ලිංගික අවයවවල ක්‍රියාකාරීත්වය මැනවින් සිදු කරයි.
  • මුත්‍රා කිරීමේ දී ඇති වන දැවිල්ල තත්වයන් මෙන් ම මුත්‍රා පිට නොවීම පාලනය කරයි.
  • මළපහ වීම පහසු කරයි
මෙම ශ්‍රෝණි මාංශපේශියෙන් ශ්‍රෝණිය ඇතුළේ ඇති අවයවවලට වෙන සේවාව කුමක්ද?
  • මුත්‍රාශය ( අපගේ ශරීරයේ මුත්‍රා රඳවා ඇති මල්ල) රඳවා සිටීම
  • කාන්තාවන්ගේ ගර්භාෂය සහ යෝනි මාර්ගය ශරීරයේ රඳවා ගැනීම
  • පිරිමින්ගේ ප්‍රජනක පද්ධතියට සම්බන්ධ අවයවය ( පුරස්ථි ග්‍රන්ථිය) දරා සිටීම
  • ශරීරයේ ඇතුළත රසායන ද්‍රව්‍යයන් මුත්‍රාශය, බඩවැල් සහ ගර්භාෂය තුළට ගෙන යාමට උපකාර කිරීම
  • ගුද මාර්ගය ( සිරුරේ මළ අපද්‍රව්‍යය ගබඩා කරන මහ බඩවැලේ කෙළවරේ ඇති ප්‍රදේශය) ආරක්ෂා කිරීම
  • අපට කැස්ස ඇති වන අවස්ථාවක හෝ බර වස්තු ඔසවන අවස්ථාවක අපගේ ශරීරය ඇතුළේ ඇතිවන පීඩනය අවම කිරීම පහසු කරයි.
  • මළපහ කරන විට දී තැටඹීමක් සිදු කරන අවස්ථාවන්වල ශරීරයේ ඇතුළත අවයවවලට ආරක්ෂාව ලබා දීම
 මේ “ශ්‍රෝණි මාංශපේශිය” වෙනස් වීමට හෝ අඩපණ වීම විය හැකිද? ඒ ඇයි?

ඔවු. එසේ විය හැකිය. එයට හේතු ලෙස,

  • ශ්‍රෝණි ප්‍රදේශයට ( අවයව දරා සිටිනා නිවස – 1 රූපය ) කම්පන සහගත තුවාල සිදු වීම
  • මෝටර් රථ අනතුරුවලින් තුනටියෙන් පහල තුවාල වීම
  • ගැබ් ගැනීම
  • නිතර මළ බද්ධය ඇතිවීම
  • ශ්‍රෝණි සැත්කම්
  • ශරීරයේ බර අසාමාන්‍යය ලෙස වැඩි වීම
  • වැඩිහිටි වයසට පැමිණීම
ඒ කියන්නේ ගර්භණී භාවයට පත් වීම ශ්‍රෝණි පේශිය අක්‍රීය වෙන්න හේතුවක් වෙනවා ද?

ඔවු. නමුත් එය පොදු හේතුවකි. බොහෝ විට කාන්තාවන්ට ඔවුන්ගේ දරු ප්‍රසූතියෙන් අනතුරුව ශ්‍රෝණි පේශියේ ක්‍රියාවලිය අඩපණ වෙයි. එයට හේතුව වන්නේ කාන්තාවක් ගර්භණී වූ පසු ඇගේ තුනටියෙන් පහල ප්‍රදේශය සහ පටක ඉතාමත් වෙහෙසකට පත් වීමයි. එසේම ස්වභාවික දරු උපත්වල දී මෙම තත්වය මතු වෙයි.

නමුත් මෙවන් තත්වයන් 100% සියලු දෙනාටම එක ලෙස බලනොපාන අතර ප්‍රසව හා නාරි වෛද්‍යයවරයෙකු සමග කතා කිරීම මගින් මෙම තත්වයන්ට විද්‍යාත්මකව විසඳුම් ලබා ගත හැකිය.

ශ්‍රෝණි පේශිය ශක්තිමත් කිරීමට කෙගල් ව්‍යායාම (Kegel Excercises) සහ යෝගා ව්‍යායාම පවති යි. නමුත් ඒ සියලු ව්‍යායාම විධිමත් පුහුණුකරුවෙකු සමග සිදු කළ යුතු ය.

ශ්‍රෝණි පේශිය ශක්තිමත් කරන ආහාරපාන වර්ග මොනවාද ?
  • හැකි පමණ පිරිසිදු ජලය පානය කරන්න
  • අඩු ආම්ලික පළතුරු සහ එළවළු, අර්තාපල්, බෝංචි වැනි ආහාර මගින් මාංශපේශි සහ ස්නායු ක්‍රියාකාරීත්වය වැඩි කරයි
  • ඔමේගා ත්‍රී මේදය අඩංගු ආහාර, මාළු තෙල් මගින් මුත්‍රාශයේ ඇති වන දැවිල්ල අඩු කරයි
  • කැෆේන් අඩංගු නොවන ආහාර ගන්න
  • විටමින් ඩී අඩංගු ආහාර වැඩිපුර ගන්න ( විටමින් ඩී අඩු වීම මුත්‍රාශයේ ක්‍රියාවලියට බලපෑම් කරයි)
ශ්‍රෝණි පේශියට හානි කළ හැකි ආහාර රටාවන් මොනවාද ?
  • ඇසිඩ් අධික පලතුරු සහ එළවළු
  • අධික සැර ආහාර ( ඉඟුරු, අබ )
  • කෘතිම වර්ණක සහ රසකාරක අඩංගු ආහාර
  • ඇල්කොහොල් අඩංගු බීම වර්ග
  • මත්ද්‍රව්‍යයන්
  • වැරදි ආකාරයේ ව්‍යායාම ඉරියවු සහ වැරදි ලෙස සිදු කරන කෙගල් සහ යෝගා ව්‍යායාම

 තමන්ගේ ශරීරයේ බාහිර ස්වරූපය රඳා පවතින්නේ ශරීරයේ අභ්‍යන්තර නිරෝගීබව මතයි. මෙවන් අවස්ථාවක ඔබට ඇති වන සියලුම ගැටලු වෙනුවෙන් oDoc සේවාව පැය 24 පුරා විවෘතව ඇත. ඉතින්,  ලෝකයේ ඕනෑම තැනක සිට ඔබට ඇතිවන සියලුම ගැටළු නිරාකරණය කර ගැනීමට oDoc ඇප් එකෙන් ප්‍රසව හා නාරි වෛද්‍යයවරයෙකු සමග කතා කරන්න

 ආශ්‍රිත කියවීම්

  1. Pelvic Floor Dysfunction & Your diet Pro touch – Physical Treatment, com
  2. Pelvic Floor Anatomy, The Pelvic Floor – overview and Function,www.physio- pedia.com
  3. The Pelvic Floor, Sophie Fidoe, March 21-2021,teachmeanatomy.info
  4. Pelvic Floor Dysfunction,Cleveland Clinic, my.clevelandclinic.org
  5. දරු ප්‍රසූතියෙන් පසු ලිහිල් වූ යෝනි මාර්ගය නැවත ශක්තිමත් කරන ව්‍යායාම, සඳුනි රණසිංහ, සැප්තැම්බර් 8 – 2021,smartlady.lk
  6. ශ්‍රෝණි මහලේ මාංශපේශි ශක්තිමත් කිරීම සඳහා අභ්‍යාස – සෞඛ්‍යය හා පවුලේ සහජීවනය පිළිබඳ සහතිකයක්,com
Shares
Post Views: 2,954

Similar Articles...

Endometriosis

අප්‍රේල් 4, 2022

Endometriosis No woman looks forward to “that time of the month.” Dealing with nausea, stomach cramps, mood swings, back pains and fatigue, all whilst facing

Read More »

Channel a doctor in just three taps

දැන්ම oDoc ඩවුන්ලෝඩ් කරන්න

oDoc ඩවුන්ලෝඩ්

Back to oDoc Blog

Categories
Blog Article Women's Health

The Second Trimester

The Second Trimester

Shares
Post Views: 2,239

They say there is no better feeling than the movement of life inside of you and that is the most magical thing about the second trimester of pregnancy. You can feel the life inside you. 

By the second trimester, you probably are more used to all the changes you have been experiencing the last 12 weeks. So let’s have a look at what’s in store for the next 13 weeks of your pregnancy. 

If you haven’t read our blog on the First Trimester yet, we’d suggest you start there and then hop back to this. 

When does the second trimester of pregnancy start?

The second trimester of pregnancy starts at the beginning of week 13 and goes up all the way till the end of week 26. 

So, what changes happen to the body during the second trimester?

Breast tenderness reduces, nausea begins to cease, and adjustment to estrogen and progesterone levels occurs. Other changes that happen to your body are: 

  1. Increase in appetite as your baby starts to grow 
  2. Aches in your lower abdomen may occur as your uterus expands to make space for the abby. This puts pressure on the surrounding muscle and ligaments, causing cramps and pains. A warm bath, relaxation exercises, changing your body’s position, or pressing a hot water bottle wrapped in a towel to your lower belly can help ease the pain. 
  3. Increase in weight due to the increase in appetite
  4. The increase in weight can also cause backaches 
  5. Bleeding gums due to changes in hormone levels sending more blood to your gums, making them more sensitive and increasing the likeliness of bleeding. 
  6. Some women may experience tightening in their uterus walls for a minute or two (also known as Braxton-Hicks contractions). This is very normal and isn’t a sign of natural labour. 
  7. Further enlargement of breasts occurs as the mammary glands prep for lactation. 
  8. Congestion occurs as the mucus membranes lining your nose swells, leading to a stuffy nose. Your nose may tend to bleed more easily too.
  9. Some women may experience dizziness as the growing uterus presses against the blood vessels, reducing blood reaching your brain. 
  10. Unwanted hair growth
  11. Headaches 
  12. Increased Progesterone levels cause heartburn as it relaxes the muscle responsible for keeping acids in your stomach.
  13. Varicose veins may occur as extra blood flows through them and the growing uterus exerts additional pressure. 

Sounds a bit scary doesn’t it? But do not worry, it’s a few weeks of hardship for a lifetime of happiness. As soon as you see your little one’s face, all the hardship will be forgotten in seconds. 

It is important to note that these symptoms may or may not be experienced by all women, and the severity, occurrence and duration of these changes can change from woman to woman. 

 So, what changes does the baby go through?

It is said that the second trimester of pregnancy marks a changing point not only for the mother but for the baby too. This is when the fetus grows into a baby. All organs and systems are fully formed by the second trimester. During the second trimester, your baby will grow from around 7.5cm and weigh 30 grams in the 13th week to approximately 23cm and 820 grams by the end of the second trimester. Their heart moves 100 pints of blood a day. During the second trimester, the fetus begins to move and starts kicking. The mother can feel this, and it is known as quickening and trust me, this feeling is unmatchable. 

The baby grows eyelashes and eyebrows during the second trimester and it’s eyes and ears are formed so your baby can hear your voice when you speak. It is encouraged you speak to them to give them company. Their tiny fingers and toes separate and grow nails too. Development of reflexes such as swallowing and sucking also occurs. The baby starts reacting to external stimuli and starts interacting with the outside world while being inside. 

A fetus born at 24 weeks may survive in a neonatal intensive care unit.

If you experience any of the following, please seek medical help urgently.

  • Severe abdominal pain or cramping
  • Bleeding
  • Severe dizziness
  • Rapid weight gain (more than 6.5 pounds per month) or too little weight gain (less than 10 pounds at 20 weeks into the pregnancy)
  • Jaundice
  • A lot of sweating

These are signs that something could be wrong with your pregnancy. You should speak to your VOG doctor as soon as possible if you are experiencing any of the symptoms mentioned above.  

The second trimester of pregnancy is the best time to start building your birth plan. To know more about how to create your birth plan, click here. You can also consult a VOG doctor at any time and from the comfort and safety of your home via the oDoc app.

Source 

  1. Watson, S. (2010, February 4). Second Trimester of Pregnancy. WebMD. Retrieved January 11, 2022, from https://www.webmd.com/baby/guide/second-trimester-of-pregnancy#7
  2. The Second Trimester. (n.d.). Johns Hopkins Medicine. Retrieved January 11, 2022, from https://www.hopkinsmedicine.org/health/wellness-and-prevention/the-second-trimester
  3. Second trimester. (n.d.). Pregnancy Birth and Baby. Retrieved January 11, 2022, from https://www.pregnancybirthbaby.org.au/second-trimester
  4. Mayo Clinic. (2020, February 27). 2nd trimester pregnancy: What to expect. Retrieved January 11, 2022, from https://www.mayoclinic.org/healthy-lifestyle/pregnancy-week-by-week/in-depth/pregnancy/art-20047732?reDate=11012022
Shares
Post Views: 2,239

Similar Articles...

Endometriosis

අප්‍රේල් 4, 2022

Endometriosis No woman looks forward to “that time of the month.” Dealing with nausea, stomach cramps, mood swings, back pains and fatigue, all whilst facing

Read More »

Channel a doctor in just three taps

දැන්ම oDoc ඩවුන්ලෝඩ් කරන්න

oDoc ඩවුන්ලෝඩ්

Back to oDoc Blog

Categories
Blog Article

The First Trimester

බබෙක් බණ්ඩියේ ඉන්න කාලේ පරිස්සම් කරන්නේ කොහොමද ?

Shares
Post Views: 4,495

මවක් වීම යනු ස්වභාවිකව සිදු වන ඉතාමත් සුන්දර සංසිද්ධියකි. කාන්තාවකට සිය ජීවිතය තුළ අත්දකින්නට ලැබෙන සංක්‍රාන්තික අවස්ථාවක් වශයෙන් මවු පදවිය ලැබීම දැක්විය  හැකි ය.

යම් කාන්තාවක් මවක් බවට පත් වීමට යන බව අඟවන පූර්ව ලක්ෂණ මොනවාද ?
  • ඔසප් චක්‍රය නැවතීම
  • කෑම පිළිබඳව පවතින් අරුචිය හෝ ඇතැම් ආහාර සඳහා පවතින දැඩි රුචිකත්වය ( ඇඹුල් )
  • මල බද්ධය
  • පියයුරුවල වෙනස්කම් ( ඇතැම් විට පියයුරු වේදනාකාරී වීම)
  • මානසික ව්‍යාකූල බවක් දැනීම
  • අධික මහන්සිය
  • උදෑසන පවතින ඔක්කාරය
  • හිසේ කැක්කුම
  • බඩේ අජීරණමය ස්වභාවයක් දැනීම
  • පපුවේ දැවිල්ලක් දැනීම
  • ශරීරයේ බර වැඩිවීම මේ අතර ප්‍රධාන වෙයි.
දරුවෙකු අපේක්ෂාවෙන් සිටින කාන්තාවකට ඉහත ලක්ෂණ පවතින්නේ නම් පිළිපැදිය යුතු උපදෙස් කිහිපයක් පවතියි. එනම්,
  • වෛද්‍යයවරයෙකු හමු වී ගර්භණී භාවය තහවුරු කර ගැනීම ( Ultrasound Test)
  • මවගේ සෞඛ්‍යය තත්වය පිළිබඳව පූර්ණ පරීක්ෂාවක් සිදු කිරීම
  • රුධිර පීඩනය පරීක්ෂා කිරීම
  • ලිංගිකව සම්ප්‍රේෂණය වන රෝග පිළිබඳව පරීක්ෂා කිරීම
  • පැප් පරීක්ෂාව ( Pap Test )
  • රක්තහීනතාවය පරීක්ෂා කිරීම
  • තයිරොයිඩ් පරීක්ෂාව
  • මූලිකවම ලබා ගත යුතු විටමින් සහ පෝෂණ කොටස් පිළිබඳව දැනුවත් වීම
  • ප්‍රසූතිය සිදු වන දිනය නිර්ණය කිරීම

මේ අනුව කාන්තාවක් ගර්භාණී බවට පත් වූ බව විද්‍යාත්මකව තහවුරු වූ පසුව එම ගර්භණී අවධිය ප්‍රධාන කොටස් තුනකට බෙදා වෙන් කිරීම මවකගේ අවබෝධයට වඩාත් වැදගත් වෙයි. කාන්තාවක් දරුවෙකු කුස තුළ පිළිසිඳගැනීමේ සිට බිහි කිරීම දක්වා සති 40 පමණ කාලයක් ගනියි. එය කොටස් තුනක් ඔස්සේ දැක්විය හැකිය. එනම්

  • පලමු ත්‍රෛමාසිකය – දින 1 සිට සති 12 දක්වා
  • දෙවන ත්‍රෛමාසිකය – සති 13 සිට සති 26 දක්වා
  • තුන්වන ත්‍රෛමාසිකය – සති 27 සිට සති 40 දක්වා
පලමු ත්‍රෛමාසිකය – දින 1 සිට සති 12 දක්වා

එනම් කාන්තාවකගේ ගර්භණී අවධියෙ මුල් සති 12 යි. මවු කුස එතරම් ඉදිරියට නෙරා ඒමක් නොතිබුණත් පලමු මාස තුන ( පලමු සති 12) වන විට කලලයේ අවයව බොහොමයක් සැදී අවසන් වී ඇත.

නමුත් එම කලලයට තමන්ගේම ප්‍රතිශක්තිකරණ පද්ධතියක් මෙම කාල සීමාව තුළ නොපවතියි.

මෙය කාන්තාවකගේ ශරීරය වෙනස් වන කාලයකි.

මුල් මාස තුන තුළ කලලයේ ක්‍රියාකාරීත්වය මොන වගේද?
  • මෙම කාල සිමාවේ දී කලලය අගල් තුනකින් පමණ දිගින් යුක්ත වේ
  • කලලයේ ලිංගික අවයවයන් වර්ධනය වීම ආරම්භ වෙයි
  • අට වන සතිය අවසානයේ දී අත් පා ඇඟිලි වර්ධනය වීමට පටන් ගනියි
  • හෘද ස්පන්ධනය වීමට පටන් ගනියි
  • මොළය, සුශුම්නාව වර්ධනය වීමට පටන් ගනියි
කලලයට සති 11ක් පිරීමෙන් අනතුරුව ඔබ NT පරීක්ෂාවක් සිදු කළ යුතු වන්නේ ඇයි?

 එනම් ශබ්ද තරංග පරීක්ෂාවකින් දරුවාගේ හිස, ගෙල ප්‍රදේශයේ පවතින ඝන කම මෙන් ම දරුවාට ඩවුන් සින්ඩ්‍රෝමය වැනි ලක්ෂණ හෝ ජානමය රෝග තිබේදැයි පරීක්ෂා කර ගත හැකි වීම හේතුවෙන් ය.

මෙම මුල් මාස තුන තුළ

  • මෘදු චීස්
  • සුෂි
  • මෘදු ලෙස සකස් කළ අයිස්ක්‍රීම්
  • මිදි – (රෙස්වෙටරෝල් – Resvetarol සංයෝගය ගර්භණී කාන්තාවකට විෂ විය හැකිය)
  • නොයිදුණු හෝ බාගෙට ඉදුණු පැපොල් ( ගස්ලබු) – ( එහි ඇති පැපේන් සහ කිරි බහුල ගතිය ගර්භාෂයට හානි කර වෙයි
  • අන්නාසි – ( අන්නාසිවල අඩංගු Bromelain සංයෝගය ගැබ් ගෙලට සුදුසු නොවෙයි)
  • නොසේදූ එළවලු සහ පළතුරු – ( පස්වල ඇති ටොක්සොප්ලාස්මා – Toxoplasma කොටස් ගර්භාෂයට හානි කරයි)

ආහාරයට ගැනීම නොකළ යුතුය. එබැවින් ගර්භණී වීමෙන් එළඹෙන මුල් මාස් තුන තුළ කලලය ගබ්සා වීමට පවත්නා ඉඩ කඩ ඔබගේ අනිසි හැසිරීම් සහ ආහාර රටාවන් මත තීරණය විය හැකිය.

මේ හේතුවෙන් ඔබ ගැබ් ගෙන ඇති බවට පවුලේ නෑදෑයන්ට කිව යුතු සුදුසුම වේලාව මුල් මාස තුන නොවන බව කිව යුතු ය.

එබැවින් ඔබ විසින් අවධානයට ලක් කළ යුතු මූලික කරුණු ලෙස
  • ආහාරයට ගන්නා කෑම බීම
  • ශරීරයේ බර නිවැරදිව පවත්වා ගැනීම
  • දරුවාගේ වර්ධනය
  • වෛද්‍යය උපදෙස් සහ වෛද්‍යය පරීක්ෂණ දැක්විය හැකිය
දෙවන ත්‍රෛමාසිකය – සති 13 සිට සති 26 දක්වා

වෛද්‍යය විද්‍යාව තුළ මෙය කාන්තාවකගේ ස්වර්ණමය අවධිය ( Golden Period ) ලෙස හඳුන්වයි. මෙම කාලය තුළ දී  

  • ඔක්කාරය අවම වීම
  • ඉල ඇටවල වේදනාව
  • කොන්දේ වේදනාව
  • උදර වේදනාව
  • කකුල් කැක්කුම්
  • මළ බදධය
  • බඩේ අජීරණය
  • මස්පිඬුවල වේදනාව

වැනි තත්වයන් මතු විය හැකිය

ගර්භණී කාන්තාවකට මෙම කාල සීමාව තුළ දී ඉල ඇටවල වේදනාවක් ඇති වන්නේ දරුවාගේ සිරුරේ මේදය තැම්පත් වීම වේගවත් වීම හේතුවෙන් ය. එසේම දරුවාගේ චලනය වීම් ඔබේ ඉල ඇට තෙරපීමට හේතුවක් වෙයි.

සති 16 ත් 20 අතර පවතින කාලය තුළ දී ගර්භාණී මවකට ඇගේ දරුවාගේ පලමු චලනය වීම් දැනෙන්නට පටන් ගනියි. එසේම බරක් දරා සිටීම හේතුවෙන් මස්පිඬුවල වේදනාවන් හට ගැනීමට පටන් ගනියි. එසේම

  • දරුවාගේ ස්නායු පද්ධතිය සංවර්ධනය වීමට පටන් ගැනීම
  • දරුවාට කටහඬවල් හඳුනා ගැනීමට ඇති හැකියාව
  • දරුවාගේ හුස්ම ගැනීමේ හැකියාව ක්‍රමවත් වීම
  • දරුවා සිය මහපටගිල්ල ඉරීමට පටන් ගැනීම
  • තමන්ගේ දෑත් එකතු කිරීමට උත්සාහ කිරීම
  • පාදවල ඇඟිලි අල්ලමින් සෙල්ලම් කිරීමට පටන් ගැනීම සිදු කරයි.

මෙම කාලසීමාව තුළ දී මවට ඉහත ලක්ෂණවල වෙනස්කම් දැනුණහොත් වෛද්‍යය උපදෙස් වෙත පිවිසිය යුතු ය

 

තුන්වන ත්‍රෛමාසිකය – සති 27 සිට සති 40 දක්වා

 මෙම කාල සීමාව දරුවා බිහි වීමට ආසන්නතම කාල සීමාවයි. ඔබට නිතර මුත්‍රා බර දැනීම, නින්ද මදිකම දැනෙන්නට පටන් ගනියි.

මෙම අවධිය තුළ සෑම කාන්තාවන් පස් දෙනෙකුගෙන් එක් අයෙකුටම ප්‍රසූතියට පෙර කාංසාව හෝ මානසික පීඩනය ඇති විය හැකිය. එසේම මෙම අවධියේදී

  • ඔබගේ දියවැඩියාව පරීක්ෂා කර ගැනීම
  • කක්කල් කැස්ස ( Pertussis) සඳහා එන්නත් කිරීම
  • ඉන්ෆ්ලුවන්සාව වලක්වන එන්නත් කිරීම
  • Streptococcal B එන්නත් කිරීම

සඳහා වෛද්‍යය උපදෙස් මත යොමු විය යුතු ය. මෙම අවධියේ කාන්තාවකට මතු විය හැකි අවධානම් ලක්ෂණ ලෙස,

  • යෝනි මාර්ගයෙන් රුධිරය වහනය වීම
  • දරුවාගේ චලනය වීම් අඩු වීම
  • ඔක්කාරය සහ වමනය ඇති වීම
  • ප්‍රසූත වේදනාවන් හදිසියේ මතු වීම
  • ගර්භාෂයේ තරලය එලියට වහනය විම ( Water Bag)
  • දැඩි හිසරදය
  • උදර වේදනාව
  • පෙනීමේ වෙනස්කම් මතු වීම

දැක්විය හැකිය. මෙවන් අවස්ථාවන් ඔබ නිරන්තරයෙන් අවබෝධයෙන් පසු විය යුතු අවස්ථාවන් වෙයි.

ගැබිණි මවකට ෆෝලික් අම්ලය සහ යකඩ පෙති හිතුමතේට ගන්න සුදුසු ද?

ෆෝලික් අම්ලය ශරීරයේ රුධිරය නිපදවීමට වැදගත් වන අතර රුධිරය අවම වීම හේතුවෙන් ඇතිවන රක්තහීනතාවය අවම වීමට හේතු වෙයි.

ෆෝලික් අම්ලය වෛද්‍යය උපදේශයකින් තොරව හිතුමතේට භාවිත කිරීම තුළින් දරුවාගේ ස්නායු පද්ධතිය දුර්වල වීමට හේතු වෙයි. එබැවින් ෆෝලික් අම්ලය නියමිත වෛද්‍යය උපදෙස් මත නිවැරදිව ගත යුතු ය.

එසේම දරුවා බිහි වීමට ආසන්න මාස තුනක කාලයේ සිට කිරි දෙන කාලයේ දී යකඩ අවශ්‍යතාවය මතු වන අතර නිරන්තරයෙන් වෛද්‍යය උපදෙස් පිළිපැදීමට කටයුතු            කිරීම මගින් අවධානම් තත්වයන් මගහරවා ගත හැකිය.

    
කළයුතු දේවල්
  • උදෑසන අවදි වූ සැණින් පෝෂණීය ආහාර වේලක් ගැනීම
  • නිවැරදි වෛද්‍යය උපදෙස් මත ව්‍යායාම සිදු කිරීම
  • නියමිත විටමින් වර්ග වෙලාවට ගැනීම
  • යෝනි මාර්ගය අවට සෞඛ්‍යය තත්වය පිළිබඳ විමසිල්ලෙන් සිටීම
  • ගමන් බිමන්වල යෙදීමට පෙර වෛද්‍යයවරයාගේ උපදෙස් ගැනීම
  • බෙහෙත් ගැනීමට හෝ නැවැත්වීමට පෙර වෛද්‍යයවරයාගේ උපදෙස් ගැනීම
  • නියමිත දින වන විට ඔබගේ එන්නත් කිරීම් වෛද්‍යය උපදෙස් මත සම්පූර්ණ කර ගැනීම
  • පෝෂ්‍යදායී එළවළු සහ පලතුරු ප්‍රමාණවත් තරමින් ආහාරයට ගැනීම
  • හැකිතාක් නිවසේ පිළියෙල කළ ආහාර ගන්න
  • ශරීරයට අවශ්‍යය නියමිත කැලරි ප්‍රමාණය ලබා ගැනීමට කටයුතු කිරීම
නොකළයුතු දේ
  • කැෆේන් අඩංගු කෝපි, මත්ද්‍රව්‍ය, මත්පැන්වලින් වැළකීම
  • සැමන්, සොසේජස් සහ පිසින ලද කල් තබාගත හැකි ආහාරවලින් වැලකීම
  • පැස්චරීකරණය නොකරන ලද කිරි භාවිතයෙන් වැලකීම
  • වෛද්‍යය උපදෙස්වලින් තොර ඖෂධ භාවිතයෙන් වැලකී සිටීම

දරුවා මෙන් ම මවගේ ආරක්ෂාව වෙනුවෙන් කටයුතු කිරීමේදී ඔබට ගැටලු ඇති විය හැකි අවස්ථාවන් නිශ්චිත නැත. එවන් අවස්ථාවන්වල දී දවසේ පැය 24 පුරාවටම ඔබගේ ජංගම දුරකථනය හරහා ප්‍රසව හා නාරි වෛද්‍යයවරයෙකු සමග සම්බන්ධ වීමට oDoc ඇප් එක ඔස්සේ හැකියාව ඇත.

ඔබගේ, කාලය, ශ්‍රමය, සෞඛ්‍යය ආරක්ෂාව රැක ගැනීම අපගේ අරමුණයි.

ODoc , ඔබ සමග නිරන්තරයෙන්…

ආශ්‍රිත කියවීම්

  1. What to Expect: Your Personal Pregnancy Chart, Rena Goldman, December 08,20,www.healthline.com
  2. A Week – by – week, Pregnancy Calendar, Kidshealth.org
  3. දෙවන ත්‍රෛමාසිකය,සාරංගි රන්පටබැඳි, lk
  4. ගර්භණී සමයේ ආරක්ෂිත හා අනාරක්ෂිත පළතුරු ගැන දැනගමු ද? Nadeesha Lakmini, The Asianparent.lk
  5. ගර්භණී මවක් වහාම රෝහල්ගත විය යුතු අවධානම් සහගත අවස්ථා 7 ක්, සුව සෙවන, වෛද්‍යය නාලක ප්‍රියන්ත
  6. Third Trimester, Pregnancybirth&baby,www.ucsfhealth.org, University of California
  7. ගර්භණී කාන්තාවන් වැඩුපුර ආහාරයට එකතු කර ගත යුතු දෑ, June29,2016, good housekeeping, www.goodhousekeeping.lk
  8. ගර්භණී අවධියේ පලමු මාස තුන, June 09,2021, Lifesmile, lifesmile.lk
Shares
Post Views: 4,495

Similar Articles...

Endometriosis

අප්‍රේල් 4, 2022

Endometriosis No woman looks forward to “that time of the month.” Dealing with nausea, stomach cramps, mood swings, back pains and fatigue, all whilst facing

Read More »

Channel a doctor in just three taps

දැන්ම oDoc ඩවුන්ලෝඩ් කරන්න

oDoc ඩවුන්ලෝඩ්

Back to oDoc Blog