Categories
Blog Article මානසික සෞඛ්‍යය

ජීවිතයට වින කරන මානසික ආතතිය හඳුනාගමු

ජීවිතයට වින කරන මානසික ආතතිය හඳුනාගමු

Shares

මෙයට පෙර අපගේ ලිපි තුළින් මානසික ආතතියේ බලපෑම් මත ඇති වන රෝග තත්වයන් පිළිබඳ සාකච්ඡා කළෙමු. සාමාන්‍යය ජන වහර තුළ මෙම මානසික ආතතිය ටෙන්ෂන් ( Tension) ලෙස හඳුන්වයි.  

අතීත මිනිසුන් සාමුහික ජීවිතයක් ගත කිරීම හේතුවෙන් ඔවුන්ට මානසික ගැටළු ඇති නොවී ය. එසේ ඇති වූවා නම් එය කලාතුරකින් ජාන සම්බන්ධ ගැටළු මත ඇති වූ බව දක්නට ඇත. නමුත් වර්තමානයේ මිනිසුන් ගත කරන ඒකාකාරී ජීවිතය හේතුවෙන් නොයෙකුත් මානසික ගැටළු තත්වයන් මතු වී ඇත.

එම තත්වයේ ප්‍රතිථලයක් ලෙස මානසික ආතති වර්ග කිහිපයක් වෛද්‍යය විද්‍යාව තුළ ප්‍රධාන ලෙස අවධානයට ලක් කරයි. ඒවානම්,

  • ධනාත්මක ආතතිය
  • ඍණාත්මක ආතතිය
  • ක්ෂණික ආතතිය
  • දිගු කාලීන ආතතිය

ආතතිය ඇති වන අවස්ථාවන්හි දී අපගේ ශරීරයෙන් පිට කරන ‘ඇඩ්‍රිනලීන්’ ධනාත්මක ආතතිය ඇති වූ අවස්ථාවක ශරීරයට හිත කර ආකාරයෙන් පිට වෙයි

  • නිතර දුක දැනීම
  • අවධානය යොමු කිරීමට නොහැකියාව

යම් පුද්ගලයෙකු මානසික ආතතියට පත් වී ඇති බව පෙන්වන ලක්ෂණ මොනවාද?

  • හෘද ස්පන්ධනය වේගවත් වීම
  • රුධිර පීඩනය වැඩි වීම
  • ගල නාලයේ සහ ආමාශයේ ක්‍රියාකාරීත්වය වැඩි වීම
  • ආමාශයේ අසාමාන්‍යය ක්‍රියාකාරීත්වය හේතුවෙන් බඩවැල් තුවාල වීම
  • බඩ පිපීම සිදු වීම
  • නිතර මුත්‍රා පිට වීම
  • නිතර මලපහ කිරීමට යාම
  • මස්පිඬු තද ගතියක් ඇති වීම
  • මස්පිඬුවල වේදනාව
  • ඔළුවේ කැක්කුම
  • එක තැනක එක ඉරියවුවකින් සිටීමට නොහැකි වීම
  • නිතර අනිසි බියක් ඇති වීම
  • කෑම අරුචිය  

මෙම ලක්ෂණ පොදුවේ පවතින ලක්ෂණ වන අතර ඇතැම් විට පුද්ගල ශරීර ස්වභාවයන් මත වෙනස් වෙයි. බොහෝ අවස්ථාවන්වල අවුරුදු 16 ත් 24 ත් අතර වයසේ පසුවන පුද්ගලයන්ට, වයස අවුරුදු 40 ත් 50 ත් අතර වයසේ පසුවන කාන්තාවන්ට මෙන් ම වයස අවුරුදු 60 ට වැඩි සියලු වැඩිහිටියන්ට මෙම ආතතිය මතු වීමේ අවධානම වැඩි වේ. එයට හේතු වන්නේ

  • තරුණ වයසේ දී ශරීරයේ නිපදවන හෝර්මෝන වෙනස්කම්
  • ඔසප් චක්‍රයේ වෙනස් වීම
  • වියපත් භාවයට පත් වීම

වැනි හේතූන් ය.පුද්ගලයෙක් ආතතියට පත් වන විට ශරීරයේ ඇඩ්‍රිනලීන් හෝර්මෝනය ශ්‍රාවය වීමේ ස්වභාවය ඉහල මට්ටමක පවතින බව අප පෙර සඳහන් කළෙමු. එම තත්වය මත යම් පුද්ගලයෙකුට කල් යාමේ දී

  • හෘද රෝග
  • දියවැඩියාව
  • පිළිකා

වැනි තත්වයන්ට ලක් විය හැකි ය. එබැවින් හැකි පමණ ආතතිය ඇති කරන තත්වයන්ගෙන් ඈත් වීම සුදුසු වෙයි.

යම් අයෙක් ආතතියට පත් විය හැකි ආකාර මොනවාද?

  • සමීපතමයෙක් වෙන් වීම
  • නිරතුරුව අනුන් මත සිය ජීවිතයේ වටිනාකම තීරණය කිරීම
  • අනුන්ගේ ප්‍රශ්න තමන්ගේ කර ගැනීමට යාම
  • සේවය කරන ආයතනයේ හෝ අසල්වාසී හෝ සමීපතමයන් සමඟ කිසිඳු වටිනාකමක් නොමැති මාතෘකා වෙනුවෙන් වාද කර ගැනීම
  • සිත රිදෙන ආකාරයේ දේවල් කියන කරන අය ඇසුරු කිරීම
  • නිරතුරුව තරහ ගැනීම
  • විවේකයක් නොමැතිව වැඩ කිරීම
  • තමන්ට කවුරුන්වත් නොමැති බව නිතර සිතීම
  • ගැටළුවක් කතා කිරීමට තරම් විශ්වාසවන්ත අයෙකු නොමැති වීම
  • ණය බර සහ පවුලේ වගකීම්
  • ව්‍යායාම මදිකම
  • මුදල් ගැටළු
  • ගර්භණී බවට පත් වීම නිසා ශරීරයේ සිදු වන හෝමෝන වෙනස්කම්

මෙම තත්වයන්ට අමතරව තවත් දේවල් පැවතිය හැකි අතර පුද්ගලයන්ට පවතින දරා ගැනීමේ ශක්තිය මත ඒවාගේ පීඩනයන් තීරණය වෙයි.

යම් අයෙක් ආතතියෙන් පසු වනවානම් ඉන් මිදීමට සිදු කළ යුතු දේවල් මොනවාද?

  • නිරතුරුව කිසියම් වැඩක යෙදෙන්න උත්සාහ කරන්න

එනම් ප්‍රධාන ලෙස තමන්ගේ නිවසේ වැඩ, වත්ත පිටියේ වැඩ මෙන් ම විනෝදාංශ ක්‍රියාකාරකම් ය. මේ අතරින් හැකි සෑම විටම පරිසරය මූලික කරගත් විනෝදාංශ තම ජීවිතයට එකතු කර ගැනීම වැදගත් වේ.

  • නිති පතා ව්‍යායාම කරන්න – ( දියවැඩියාව සහ අධි රුධිර පීඩනය පවතී නම් වෛද්‍යය උපදෙස් මත ව්‍යායාම කරන්න)
  • තමන්ට ප්‍රශ්නයක් ඇති වූ විට විශ්වාසවන්ත ළඟම කෙනෙක් සමඟ එම සිදුවීම බෙදා ගන්න
  • සෞඛ්‍යය සම්පන්න සමබර ආහාර ගන්න සැම විටම උත්සාහ කරන්න
  • යතාර්ථය තුළ ජීවත් වෙන්න
  • තමන් වෙනුවෙන් කාලය ගත කරන්න
  • නිරන්තරයෙන් ධනාත්මක ලෙස සිතන්න

මානසික ආතතිය ඇති වීම ලොව ඕනෑම මනුෂ්‍යයෙකුට ඇති විය හැකි තත්වය කි. ආතතිය මානසික රෝගයක් නොවෙයි. එනමුත් මානසික ආතතිය දිගින් දිගටම පැවතීම කාංසාව සහ විශාදය වැනි තත්වයන් කරා යාමට හේතු විය හැකි ය.

අප රෝගයන් ඇති වීමට පෙර එහි මූලය දුරු කරමු. ඔබ තනි වූ පුද්ගලයෙක් වුවත් ජංගම දුරකථනය මඟින් මනෝ වෛද්‍යයවරයෙක් සමඟ සම්බන්ධ වන්න, අදම oDoc ඇප් එක ඩවුන්ලෝඩ් කර ගන්න.

ආශ්‍රිත කියවීම්

  1. මානසික ආතතිය හා බැඳුණ ලෙඩරෝග පිළිබඳව ඔබ දැනුවත් ද?,කැළණිය විශ්වවිද්‍යාලයීය වෛද්‍යය පීඨය වෙබ් අඩවිය.
  2. දැනෙන නොදැනෙන මානසික ආතතිය, මවුබිම, ආර්‍යා විශේෂාංගය
  3. මානසික ආතතිය නිසා ඇති වන කායික ලක්ෂණ, තඹරු විජේසේකර, 13 මාර්තු 2017, roar media.
  4. මානසික ආතතිය අඩු කිරීම සඳහා ඍණාත්මක ස්වයං අර්ථකථනය ( Negative self talk) නවත්වන්න, quantum.lk.
  5. මානසික ආතතිය නිසා ගැස්ට්‍රයිටීස්, ප්‍රෙශර් ඇති වන්නට පුළුවන්, ජාතික මානසික සෞඛ්‍යය විද්‍යායතනය, මනෝ වෛද්‍යය විශේෂඥ ජයාන් මෙන්ඩිස්,ආරෝග්‍යා අතිරේකය, දිනමින පුවත්පත.
  6. පීඩාකාරී මානසික ආතතිය නිසා දරුවාගේ මොළයේ සිදුවන වෙනස්කම් ගැන ගුරුවරුන් ලෙස ඔබ දැනුවත් ද , සාරංගි රන්පටබැඳි, 03 ජනවාරි 2022,lk
  7. ආතතියෙන් මිදෙන්නේ කෙසේද?, 2022 ධනාත්මක චින්තනය, positive.lk

 

Shares

Similar Articles...

Channel a doctor in just three taps

දැන්ම oDoc ඩවුන්ලෝඩ් කරන්න

Back to oDoc Blog

Categories
Blog Article

Insomnia – Everything You Need To Know

නිදි මරන්න ගිහින් ඔබේ මොළේ මරාගන්න එපා

Shares
female with insomnia struggling to sleep at night

නිදි මරමින් පාඩම් කිරීම, රැකියා කිරීම මිනිසුන් අතර සුලභ තත්වයක් මෙන් ම එම ක්‍රියාව අගය කරන කොටසක් ද සිටියි. නැතහොත් නිදිමැරීම ද එක්තරා විලාසිතාවක් බවට පත්ව ඇත. හොඳ අධ්‍යාපනයක් ලබන දරුවෙක් නම් රාත්‍රිය පහන් වන තුරු පාඩම් කටයුතු කළ යුතු බවටත් මහන්සියෙන් මුදල් උපයන පුද්ගලයන් නොනිදමින් රැකියාවන්වල නිරත විය යුතු බවටත් සමාජය පුහු මතයන් දරයි.

මනුෂ්‍යයෙක්ට නින්ද වැදගත් වන්නේ ඇයි? 

  • ස්නායු පද්ධතියේ ක්‍රියාකාරිත්වය යහපත්ව පවත්වා ගන්නට
  • ශරීරය වර්ධනයට
  • මොළයේ ක්‍රියාකාරීත්වයට

සාමාන්‍යයයෙන් පුද්ගලයෙකුට දිනකට පැය කීයක නින්දක් අවශ්‍යය ද? 

  • වැඩිහිටියෙකුට පැය 7 ත් 9 ත් අතර
  • දරුවන්ට පැය 9 ත් 13 ත් අතර
  • බිළිඳු දරුවන්ට පැය 12 ත් 17 ත් අතර නින්ද අවශ්‍යය වෙයි

නමුත් යම් පුද්ගලයෙක් මුළු රාත්‍රිය පුරා නිදා ගන්නට අමතර උත්සහයක් ගැනීමට සිදු වී වෙහෙසට පත් වෙයි ද එබඳු පුද්ගලයෙක්ට ඉන්සොම්නියා ( Insomnia ) නම් රෝගී තත්වය වැළදී තිබිය හැකිය.

ඉන්සොම්නියා ‍යනු කුමක්ද?

එය සරලවම නිදිමතක් නොදැනීම හෝ දිගු නින්දක් ලබා ගැනීමට අපහසු වීම මත ඇතිවන ආබාධයකි. එම තත්වය කෙටි කාලයක සිට දිගු කාලයක් දක්වා වර්ධනය විය හැකිය.

මෙම තත්වය ස්ත්‍රී පුරුෂ දෙපාර්ශවයටම එක හා සමානව පවතිනවා ද?

පර්යේෂණ දත්ත වාර්තා අනුව ස්ත්‍රී පුරුෂ දෙපාර්ශවයටම එක හා සමාන ලෙස ඉන්සොම්නියා තත්වය ඇති වීමට හැකි වුවත් මෙම තත්වය කාන්තාවන්ට ඇති වීමේ හැකියාව ඉතා ඉහළ මට්ටමක පවතියි.

එයිනුත් වයස අවුරුදු 60 ට වැඩි පිරිසට ඉන්සොම්නියා තත්වය බලපෑම් කළ හැකිය.

යම් පුද්ගලයෙකු ඉන්සොම්නියා ‍රෝගී තත්වයට පත් වීමට බලපාන හේතු මොනවාද ? 

  • බොහෝ විට තමන් පුරුදු පරිසරයෙන් වෙනත් පරිසරයකට මාරු වීම, අධික ශබ්ධ සහ පරිසර උෂ්ණත්වය නැමති කාරණා
  • තමන්ගේ ජීවිතයට තදින් සම්බන්ධ වූ යම් කෙනෙක් හෝ දෙයක් අහිමි වීමේ වේදනාව
  • තමන් දෛනිකව කරමින් තිබූ කාර්යයන් රාත්‍රී කාලයේ සිදු කිරීමට පටන් ගැනීම
  • කැෆේන්, ඇල්කොහොල්, දුම්කොළ අඩංගු දෑ නින්දට පෙර භාවිත කිරීම
  • නින්දට පෙර ඉතා ඝන ආහාර ගැනීම
  • අධික ඖෂධ වර්ග භාවිතය

මෙම ඉන්සොම්නියා රෝගය ප්‍රභේද දෙකක් යටතේ පවතියි.

ඉන් පලමුවැන්නප්‍රාථමික ඉන්සොම්නියා තත්වයයි

එනම් ප්‍රධාන වශයෙන් නින්ද අහිමි වීම මත පමණක් ඇති වන තත්වයයි.

දෙවැන්න නම් – ද්වීතික ඉන්සොම්නියා තත්වයයි

එනම්  ඇදුම, විශාදය, පිළිකා වැනි බාහිර රෝග මුල් වීමෙන් ඇති වන තත්වයයි

එසේනම් ඉන්සොම්නියා රෝගී තත්වය යම් කෙනෙක්ට වැළදිය හැකි බාහිර රෝගී තත්වයන් මොනවාද?

  • යම් පුද්ගලයෙකු උග්‍ර හෝ මධ්‍යම විශාදයෙන් පෙළෙන අයෙක් වීම
  • කාංසාව පවතින අයෙක් වීම
  • සෙම්ප්‍රතිශ්‍යාව සහ ඇදුම දීර්ඝ කාලයක් පැවතීම
  • නින්ද සම්බන්ධයෙන් පවතින ආබාධ

යෞවනයන්ට වැඩිපුර ඇතිවන නින්ද සම්බන්ධ රෝගී තත්වයක් ලෙස ‘ ප්‍රමාද වූ නින්ද සම්බන්ධ ආබාධ තත්වය’ ( Delayed Sleep Phase Syndrome ) පසු කාලයක දී ඉන්සොම්නියා තත්වයක් කරා ගමන් කිරීමට පවතින අවධානම ඉතා ඉහළ මට්ටමක පවතියි.

  • වයසට යන විට ඇතිවන ශරීර වේදනාවන්
  • වේදනාත්මක කකුල් ආබාධයන් ( Restless Legs Syndrome )
  • නින්ද සම්බන්ධ ආබාධ තත්වයන් ( Sleep Apnea)
  • තයිරොයිඩ් සම්බන්ධ රෝගී තත්වයන් ( Hyperthyrodism) හෝ වෙනත් අන්තරාසර්ග පද්ධතිය සම්බන්ධ ‍රෝග තත්වයන්
  • පිළිකා වැළඳිම හේතුවෙන් ලබා දෙන කීමෝ ප්‍රතිකාර

ගර්භණී භාවයට පත් වූ විට මවක් තුළ ඇති වන හෝර්මෝන වෙනස්කම් හේතුවෙන් අවසාන මාස කිහිපය තුළ මවුවරුන්ට ප්‍රමාණවත් නින්දක් නොලැබී යයි. එවන් විටක ද ඉන්සොම්නියා තත්වය බලපෑම් කළ හැකි අතර ප්‍රසව හා නාරි වෛද්‍යයවරයා සමඟ මේ තත්වයට පිළියම් සාකච්ඡා කළ හැකිය.

 

මෙම තත්වයට ඔබ හෝ ඔබගේ සමීපතමයෙක් මුහුණ දී ඇති බව හඳුනා ගත හැකි ලක්ෂණ මොනවාද?
  • දිවා කාලයේ ඇති වන අධික නිදිමත තත්වය
  • නිතර වැඩ නොකළ ද තමන්ට මහන්සි ගතියක් දැනීම
  • කේන්ති යන ස්වභාවය වැඩි වීම
  • යම් වැඩකට එක දිගට අවධානය යොමු කිරීමට අපහසු වීම
  • මතක ශක්තිය පිළිබඳව ගැටළු මතු වීම
ඉන්සොම්නියා ‍රෝගය නිසා මතු විය හැකි රෝගී තත්වයන් මොනවාද?
  • හුස්ම ගැනීමට පවතින අපහසුතා මතු වීම ( Asthma වැනි රෝගී තත්වයන්)
  • හදවත් රෝග මතු වීම { රුධිර පීඩණය, හදවත අඩපණ වීම, ( Arrhythmia වැනි රෝග තත්වයන්)}
  • මානසික රෝග තත්වයන් මතු වීම
  • නිදන්ගත රෝග තත්වයන් මතු වීම
  • ප්‍රසූතියේ දී ගැටළු මතු වීම
  • ප්‍රතිශක්තිකරණ පද්ධතිය ආශ්‍රිත ගැටළු මතු වීම
  • වකුගඩු ආශ්‍රිත ‍රෝගී තත්වයන් මතු වීම ( Metabolism )

විශේෂයෙන්ම ඉන්සොම්නියා ‍රෝගයෙන් පෙළෙන්නන්ගේ මොළයේ නීරෝගී ස්නායු සෛල ඉවත් වීම හේතුවෙන් ‘ ඇල්සයිමර්ස්'(Alzheimer’s Disease) වැනි රෝගවලට ගොදුරු වීමේ අවධානම ඉතා ඉහල මට්ටමක පවතියි. එබැවින් මූලික අවස්ථාවන්හි දී රෝගී තත්වය හඳුනා ගැනීම ඉතා වැදගත් තත්වයකි.

මෙම තත්වය මඟහරවා ගැනීමට කළහැකි දේවල් මොනවාද?

  • නිදාගැනීමට සහ අවදි වීමට නිශ්චිත වෙලාවක් තබා ගන්න
  • දිවා කාලය අතරතුර නිදා ගැනීම අවම කිරීම
  • නින්දට යාමට පෙර හෝ නින්දට ‍යන තුරු ජංගම දුරකථන, ටැබ්, ලැප්ටොප් භාවිත නොකිරීම (නින්දට පැයකටවත් පෙර එවා ඉවත් කරන්න)
  • කැෆේන්, දුම්කොළ, මත්පැන්, මත්ද්‍රව්‍යයන් හැකිතාක් ඉවත් කරන්න
  • දිනපතා අවම වශයෙන් විනාඩි 30 ක් වත් ව්‍යායාම කරන්න ( ඔබට ලෙඩ රෝග පවතියි නම් වෛද්‍යය උපදෙස් මත ව්‍යායාම කරන්න)
  • රාත්‍රියට සැහැල්ලු ආහාර ගන්න
  • නින්දට පෙර මෛත්‍රී භාවනාව හෝ අනිත්‍යය භාවනාව වඩන්න ( විනාඩි 5 ක් වත් අප අවට පවතින සියලු දේ සහ සියලු සිතුවිලිවල පවතින අනිත්‍යය බව සිහි කරන්න. එය ඔබගේ සිත නිදහස්ව පවත්වා ගන්නට උපකාර කරයි.)
  • වෛරය, ක්‍රෝධය, ඊර්ෂ්‍යාව හැකි පමණ පාලනය කර ගන්න. එබඳු සිතුවිලි ඇති වන්නේ අප යතාර්ථයෙන් එපිට ජීවිත ගෙවීමට උත්සාහ කරන බැවින් වෙයි.

ඔබ හෝ ඔබගේ සමීපතමයන් මෙවන් තත්වයන්ට මුහුණ දී සිටී නම් oDoc ඇප් එක හරහා සාමාන්‍යය වෛද්‍යයවරයෙකුගේ සිට මනෝ රෝග විශේෂඥ වෛද්‍යයවරයෙකු සමඟ පහසුවෙන් සම්බන්ධ විය හැකිය. දවසේ පැය 24 පුරාවට ලෝකයේ ඕනෑම ස්ථානයක සිට ඔබට ඇතිවන සියලු ගැටළුවලට විසඳුම් ලබා ගන්න. අදම oDoc ඇප් එක ඩවුන්ලෝඩ් කර ගන්න

ආශ්‍රිත කියවීම්
  • සුව නින්ද අහිමි කරන ඉන්සොම්නියා ( Insomnia) ගැන දැනුවත් වෙමු, ඔක්තොම්බර් 19,2020,lifie.lk
  • නින්දේ ආබාධ වර්ග, රෝග ලක්ෂණ,හේතු සහ ප්‍රතිකාර, 2022,warbletoncouncil
  • අනිද්‍රාව ( Insomnia) සම්පූර්ණයෙන් වලක්වා ගතහැකි, සුව නින්දක් ලබා ගතහැකි ක්‍රමවේද 8 ක්, චන්දි සමරවීර, ජූලි 14,2017,womanly.lk
  • ගැබිණි සමයේ ඇති වන ඉන්සොම්නියා තත්වයට පිළියම්, අගෝස්තු 3,2020,babyandme.lk
  • ප්‍රමාද වූ නින්ද අවධියේ දී සින්ඩ්‍රෝමය ‍යෞවනයන්ට බලපෑම් කරයි, බ්රැන්ඩන් පීටර්ස්
  • Insomnia, National Heart, Lung and Blood Institute, www.hhibi.nih.gov
  • Insomnia, Mayo Foundation for Medical Education and research( MFMER), www.mayoclinic.org
  • Insomnia, National Health Service, England, www.nhs.uk
Shares

Similar Articles...

Channel a doctor in just three taps

දැන්ම oDoc ඩවුන්ලෝඩ් කරන්න

Back to oDoc Blog

Categories
Blog Article

ජීවිතයේ අහිමිවීම් නිසා ඔබත් වේදනාවෙන් ද?

ජීවිතයේ අහිමිවීම් නිසා ඔබත් වේදනාවෙන් ද?

Shares
  • ‘මට අදටත් අදහන්න අමාරුයි මගේ මහත්තයට තවත් ගෑනු කෙනෙක් එක්ක සම්බන්ධයක් තිබුණයි කියලා….’
  • ‘දරුවා නැති කරගන්න මන් හිතුවේ නැහැ. ඒත් ගෙදරට මූණ දෙන්නේ කොහොමද කියලා හිතනකොට මට එහෙම කරන්න වුණා…’
  • ‘මගේ ඉඩ කඩම් දේපල සේරම විනාස වෙලා ගියා. දැන් මට කාගේ පිළිසරණක් ද?…’
  •  අම්මයි තාත්තයි මල්ලි එක්ක තරහෙන් හිටියේ විභාගේ ෆේල් උනා කියලා. මල්ලී ඒ නිසා වෙන්න ඇති මේ දේ කරගත්තේ…’
  •  ‘මට පිළිකාවක් තියනවයි කියලා දැනගත්තේ ඒක තුන් වෙනි අවස්ථාව වෙද්දි. මට ඉතුරු වෙලා තියන්නේ තව ටික කාලයයි…’

ඉහත ආකාරයේ වදන් අපි බෙහෝ සේ අසා ඇත්තෙමු. අප අපගේ ජීවිත තුළ නිරන්තරයෙන් සදාකාලික බව සොයයි. නමුත් ජීවිතයේ කිසිඳු අවස්ථාවක සදාකාලිකව පවතින දුකක්, සතුටක් හෝ ප්‍රේමයක් ඇත්තේ නැත. එය ලෝක ස්වභාවයයි. අපට දුකක් ඇති වන්නේ අපට හිමි වෙන්නට තිබුණ හෝ හිමි වූ යමක් අහිමි වීමෙන් ය. අපි එය දරා ගන්නට මගක් සොයමු.

එසේනම් සරලවම අප දුකට වේදනාවට පත් වීමට බලපාන පොදු හේතු කාරණා මොනවාද ?
  • සමීපතමයෙකුගේ මරණය
  • දැඩිව ආස කරන යම් පුද්ගලයෙකු හෝ ද්‍රව්‍යයමය දෙයක් අහිමි වීම
  • ජීවිතයේ ඉවරයක් නැති කරදර සහ දුක් කම්කටොළු
  • තමන්ගේ ආත්ම විශ්වාසය බිඳී යාම
  • විභාග ගැටළු
  • රැකියාව අහිමි වීම
  • පරාජය වීම
  • පවුල් ආරවුල් යනාදී දේවල් වේ.

මෙම තත්වයන් උත්සන්න වීමෙන් යමෙකුට කාංසාව, විශාදය වැනි තත්වයන් කරා ගමන් කළ හැකි ය. එසේම මුල් අවධියේදී ම නිසි ප්‍රතිකර්ම කරා නොයාමෙන් විශාදය තත්වය උත්සන්න වී උග්‍ර විශාදමය තත්වයක් කරා ගමන් කිරීමට ඉඩ පවතියි.

යම් අයෙකු දුකින් සිටින බවට හඳුනා ගත හැකි ලක්ෂණ මොනවාද?
  • යම් දෙයකට අවධානය යොමු කිරීමට පවතින අපහසුව
  • නිරතුරුව ඇඟට පණ නැති ස්වභාවයක් දැනීම
  • නින්ද නොයාම, නින්දත් නොනින්දත් අතර යම් යම් ඡායාවන් පෙනීම හෝ අධික නින්ද
  • නිතරම ඍණාත්මක අදහස් මතු වීම
  • තමන්ගෙන් කාටත් පලක් නොමැති බව මෙන් ම තමන් අතින් වරදක් සිදු වූ බව නිතර සිතීම
  • කිසි කෙනෙක් නොරුස්සන ස්වභාවයක් පෙන්නුම් කිරීම
  • ආහාර රුචිය අඩු වීම
  • අධිකව මත්පැන් සහ මත්ද්‍රව්‍යය භාවිතයට යොමු වීම
  • එදිනෙදා වැඩ කටයුතු කිරීමට උනන්දුවක් නොමැති වීම
  • හිසේ කැක්කුම, බඩේ අජීරණමය ස්වභාවයන් මතු වීම
  • ලිංගික කටයුතුවලට ඇති අකමැත්ත
  • අධිකව මුත්රා පිට වීම
  • නිතර මරණය පිළිබඳ කතා කිරීම
  • සියදිවි නසා ගැනීමට සිතුවිලි මතු වීම හෝ සියදිවි නසා ගැනීම

අප දුකින් සහ ආතතියෙන් පෙළෙන විට අපගේ ශරීරය ඇතුළතින් කෝටිසෝල් ( Cortisol), ඇඩ්‍රිනලීන් ( Adrenaline ), නොරැඩ්‍රිනලීන් ( Noradrenaline) වැනි ආතතිමය හෝර්මෝන වැඩියෙන් ශ්‍රාවය කරයි. එය රුධිරයට එකතු වීමෙන් ශරීරය පුරා ගමන් කරයි.

අපගේ ජීවිත තුළ සිදු වන අහිමි වීම්වලින් ඇතිවන දුක දරා ගන්නේ කෙසේද?
  • පලමුවෙන් ම තමන් තමාට අවංක වන්න. නිරතුරුව නිවැරදි දෙය තෝරා ගන්න. ප්රායෝගිකව සිතන්න
  • සතුටින් ඇවිදින්න, ව්‍යායාම කරන්න
  • තමන් ප්රිය කරන ක්රීඩාවක නිරත වන්න
  • සංගීතය රසවිඳින්න
  • හොඳ පොත් පත් කියවන්න
  • මනස සැහැල්ලු කරන සිතුවම් පොත් මිල දී ගෙන තනිව එම රූප පාට කිරීමට උත්සාහා කරන්න
  • ශ්වසන ව්‍යායාම සහ යෝගාවල නිරත වන්න ( නියමිත උපදේශකයෙකුගේ යටතේ)
  • ඔබ තුළ පවතින හැකියාවන් සහ වටිනාකම් අවබෝධ කර ගන්න
  • ඔබ ඔබගේ ජීවිතය තුළ සිදු කරන තෝරා ගැනීම් සහ ආශාවන් පිළිබඳ ප්‍රවේසම් වන්න
  • ප්‍රශ්නවලට ප්‍රතිචාර දැක්වීමේ දී ප්‍රවේසම් වන්න
  • ඔබ පිළිබඳ නිතර ධනාත්මක සිතුවිලි ඇති කර ගන්න
  • ඔබට විසඳාගත් නොහැකි ගැටළු පිළිබඳව වැඩිහිටියෙකුගෙන් හෝ ප්‍රවීණ පුද්ගලයෙකුගෙන් අසන්න
  • නිරතුරුව සමාව දෙන්න
  • තමා අතින් සිදු වූ වැරදිවලට සමාව ගන්න
  • නිරතුරුව අවංකව කටයුතු කරන්න
  • ත්‍යාගශීලී මිනිසෙකු වන්න

නමුත් අපගේ ජීවිතවලට පැමිණෙන ගැටළු එක හා සමාන නොවේ. එබැවින් ඔබට ඇති වන මානසික පීඩනයෙන් නිදහස් වීමට විශේෂඥ වෛද්‍යයවරයෙකුගේ සහය අවශ්‍යය විය හැකිය.

නමුත් ඔබ ප්‍රායෝගිකව වෛද්‍යයවරයෙකු සිටින ස්ථානයට යාමට අකමැති ද?
එසේනම් නිවසේ සිට ඔබට ඕනෑම වේලාවක මනෝ වෛද්‍යය විශේෂඥවරයෙකු සම්බන්ධ කර ගන්න. අදම oDoc ප් එක ඩවුන්ලෝඩ් කර ගන්න.

 ආශ්‍රිත කියවීම්

  • ශෝකයේ ලක්ෂණ හඳුනා ගන්න, 2022,NSP-IE.org.
  • ඔබ තුළ සිටින ඔබව හඳුනා ගන්නේ කෙසේද?, සුවැති දිවිය, සැප්තැම්බර් 22,2016, www.suwasewana.com
  • සරල ලෙස ජීවත් වන්නේ කෙසේද?, සුවැති දිවිය, අප්‍රේල් 15,2016, www.suwasewana.com
  • ඔබේ ආත්ම විශ්වාසය වර්ධනය කර ගැනීමට ක්‍රම 10ක්, සුවැති දිවිය, අගෝස්තු 16,2016, www.suwasewana.com
  • මානසික ආතතිය පාලනය කරගන්නේ කොහොමද?, සුවැති දිවිය, මැයි 12,2016, www.suwasewana.com
  • ඔබටත් විශාදයේ රෝග ලක්ෂණ තිබෙනවාද?, සුවැති දිවිය, ජනවාරි 14,2017, www.suwasewana.com
  • ජීවිතේ සමහර අයට හමු වන ගොඩාක් දෙනෙක්ට මඟ හැරෙන වටිනාම දේ, ඔක්තෝබර් 27, 2017, හැඩකාරී, www.hadakari.com
  • ශෝකයේ ලක්ෂණ හඳුනා ගන්න, 2022,NSP-IE.org
  • විශාදය ගැන මේ කරුණු දැන සිටියා ද? අප්‍රේල් 9, 2017, BBC සිංහල, www.bbc.com
Shares

Similar Articles...

Channel a doctor in just three taps

දැන්ම oDoc ඩවුන්ලෝඩ් කරන්න

Back to oDoc Blog

Categories
Blog Article Featured

New Year Resolutions You Can Actually Keep

අලුත් අවුරුද්දේ අපි ඇත්තටම අලුත් උනා ද?

Shares

අපේ ජීවිතය අසාර්ථක වීමට ප්‍රධානතම හේතුව වන්නේ අප විසින්ම පවත්වාගෙන යන වැරැදි පුරුදු සහ ඇබ්බැහිකම් ය. ශරීරය පවත්වා ගැනීමට නිවැරදි ආහාර රටාවක් පිළිපැදීමට නොහැකි වීම නිසා අද වන විට බොහෝ තරුණ පිරිස් විවිධ රෝගයන්ට ගොදුරු වීම දැකිය හැකිය. එයට හේතුව වන්නේ අපගේ සිංහල සමාජය තුළ පරම්පරාවෙන් පරම්පරාවට ගෙන යන වැරදි, සිරිත් සහ අර්ථකථනයි.එනම්,

  • විවාහයෙන් අනතුරුව ශරීර සෞඛ්‍යය පිළිබඳව සිතීම අනිවාර්ය නොවේ.
  • කෙට්ටු සිරුරක් ඇති කෙනෙක්ට ආහාර පාලනයක් හෝ ව්‍යායාම අවශ්‍යය නොවේ
  • දරුවන් සිටින දෙමාපියන් සිය ශරීරය පිළිබඳ සිතීම අනවශ්‍යයයි
  • අධික කම්මැලිකම
  • කෘතිම ආහාර සඳහා පවතින අධික කෑදරකම ( Foodie සංස්කෘතිය )
  • ව්‍යායාම කිරීම විලාසිතාවක් ලෙස දැකීම

නමුත් ශරීරය පිළිබඳ සැලකිලිමත් වීම ශරීරයේ හැඩය පවත්වාගෙන යන අයට පමණක්ම නොව ලෙඩරෝගවලින් ආරක්ෂා වීම සඳහා එක ලෙස වැදගත් වෙයි.

එබැවින් නව වසරේ ඔබේ සෞඛ්‍යය පුරුදු නිවැරදිව පවත්වා ගැනීමට oDoc අපි විසින් ඔබ වෙනුවෙන් අවුරුදු ත්‍යාගයක් ලෙස මෙම ලිපිය නිර්මාණය කළෙමු.

  •  සීනි බහුල ආහාරපාන රටාවන්ගෙන් ඈත් වෙමු

 බොහෝ රසායනික පානයන් එනම් පැණි බීම, මත්පැන් වර්ග, අධික සීනී ප්‍රමාණයක් අඩංගු කැවිලි වර්ග, කේක් යනාදී දෑ නව වසර තුළ ඔබ වැඩිපුර ලබා ගන්නට ඇත. ඔබ සීනි රහිත කෘතිම  ආහාර සහ බීම වර්ග ගන්නෙක් නම් ඒ මගින් ද ඔබට අතුරු ආබාධ අනූ දෙකකට ආසන්න ප්‍රමාණයක් ඇති විය හැකි බව පර්යේෂණ මගින් සොයාගෙන ඇත. එනම්

  • හිසරදය
  • කාංසාව
  • ශරීරයේ බර ඉහල යාම
  • විශාදය
  • ස්නායු ආබාධයන් වැනි රෝග

පසු කාලීනව ඇති විය හැකිය. එසේම අසීමිත ලෙස පළතුරු වර්ග ප්‍රධාන ආහාරවේල් ලෙස හිතුමතේට   ශරීරයට ලබා ගැනීම් මගින් ද ඔබ දියවැඩියාව තත්වයට පසුකාලීනව ගොදුරු විය හැකිය. එබැවින් ඔබ නිරතුරුව ඔබගේ ආහාර රටාවන් කළමනාකරණය කිරීම් නිවැරදි උපදෙස් මත සිදු කළ යුතු වෙයි.

  • ප්‍රමාණවත් නින්දක් ලබා ගනිමු

බොහෝ පුද්ගලයන් රාත්‍රී නින්දට පෙර හෝ නින්ද යන අතරතුරත් ජංගම දුරකථන සහ ලැප්ටොප් පරිගණක භාවිත කිරීමට පෙළඹෙයි. නමුත් රාත්‍රියේ නින්දට ‍යන අතරතුර ඔබගේ ජංගම දුරකථනය මගින් ලැබෙන ආලෝකය ඔබගේ ස්නායු පද්ධතියට බලපෑම් කරන බව ඔබ දැන සිටියා ද? එබැවින් රාත්‍රී නින්දට පැයකට පමණ පෙර ඔබගේ සියලු ඔන්ලයින් කටයුතු නවතා ශරීරයට විවේකයක් ලබා දිය යුතු ය. එසේම පැය අටකවත් නින්දක් ලබා ගත යුතු අතර රාත්‍රී නින්දට පෙර කැෆේන් අඩංගු ආහාර ලබා නොගැනීමට කටයුතු කරන්න.

  • අපේ පවුලේ අය සහ යහලු මිත්‍රාදීන් සමග වැඩියෙන් කතා කරමු

 කොරෝනා සමයේදී අපි විශාල ලෙස ජංගම දුරකථන, පරිගණකවල සිර වුණෙමු. එයට පෙර සිට වුව ද අප පවත්වන්නා වූ ආදර සබඳතා හේතුවෙන් අප සියලු දේවල් ජංගම දුරකථනයකට සීමා කළෙමු. නමුත් සියලු දෙය වෙනස් වුවත් මේ ලෝකයේ සදාකාලික පැවැත්ම රඳා පවතින්නේ අන්තර් පුද්ගල සබඳතා මතයි ( Inter relationships ) අම්මා-තාත්තා, සහෝදර-සහෝදරියන් මිතුර-මිතුරියන්, සැමියා-බිරිඳ සමගින් ගෙවන කාලය ඔබව කායික සහ මානසිකව සුවපත් කරයි.

අතීතයේ ජනයා විශාල වශයෙන් සාමූහිකව බැඳී සිටි අතර ඔවුන්ට කිසිම දිනෙක විශාදය, කාංසාව වැනි මානසික ගැටලු නොවීය. එසේම ඔවුන්ගේ ගතිගුණ සහ ආකල්ප අතින් බොහෝ පොහොසත් මිනිසුන් විය.

  • සුදුසු ව්‍යායාම සහ සමබර ආහාර රටාවකට හුරු වෙමු

 බොහෝ පුද්ගලයන් තමන්ට දියවැඩියාව, කොලෙස්ටරෝල්, අධි රුධිර පීඩනය වැනි රෝග වැළඳීමෙන් අනතුරුව ව්‍යායාම සහ කෑම පාලනය කිරීම නවත්වයි. නමුත් ඉහත රෝගී තත්වයක් පවතින පුද්ගලයෙකුට වුවත් නියමිත වෛද්‍යය උපදෙස් මත සිදු කළ යුතු ව්‍යායාම පවතියි.එසේම තමන්ගේ ශරීරය කෙට්ටු කිරීමට හෝ මහත් කිරීමට තමන්ගේ ප්‍රධාන ආහාර රටාවන් හිතුමතයට වෙනස් කිරීම විවිධ රෝග තත්වයන් මතු කළ හැකිය. එවන් අවස්ථාවක ඉතාමත් පහසුවෙන් තම ජංගම දුරකථනයෙන් oDoc ඇප් එක හරහා වෛද්‍යය උපදෙස් ලබා ගැනීමට ඔබට පහසුකම් පවතියි.

  • පරිගණක සහ ජංගම දුරකථන ඉදිරියේ ගත කරන කාලය සීමා කරමු

 නූතන මවු වරුන් තම දරුවාගේ අවධානය වෙනතකට යොමු කිරීම සඳහා ජංගම දුරකථන ලබා දීමට කටයුතු කරයි. බොහෝ විට වීඩියෝ ක්‍රීඩාවලට දරුවා හුරු කරවන අතර ඇතැම් ක්‍රීඩා මගින් දරුවාගේ මොළය පමණක් නොව සිතුවිලි ද වෙනස් කරවයි.

මෑතක දී එක තරුණ මවක් සිය අවුරුදු 6 දරුවා වීඩියෝ ක්‍රීඩා කරන ආකාරය පිළිබඳ පැවසූයේ,

“බලන්න අද කාලේ දරුවන්ගේ දක්ෂකම. එයාම තනියෙන් වීඩියෝ ගේම් ඩවුන්ලෝඩ් කරගෙන හරි දක්ෂ විදියට සෙල්ලම් කරනවා” යනුවෙනුයි.

 නමුත් මොබයිල් ඩෝපමීන් ( Mobile Dopamine ) මගින් ඔබේ දරුවා මානසික ඇබ්බැහි කරුවෙක් කර විනාශ කිරීමක් සිදු කරයි. එහි විපාකය වැටහෙන විට ඔබ බොහෝ ප්‍රමාද වී සිටිය හැකිය. එබැවින් හැකිතාක් දරුවන්ව ජංගම දුරකථනවලින් ඈත් කරන්න.

එසේම එය කුඩා දරුවන්ට පමණක් නොව වැඩිහිටියන්ට පවා බලපෑම් කරයි.

  •  මානසික සුවය වෙනුවෙන් කාලය වෙන් කරවා ගමු

සියලු මානසික ගැටලුවලට ප්‍රධානතම හේතුව වන්නේ ඊර්ෂ්‍යාව, වෛරය, ක්‍රෝධය, සැකයයි. මෙම ඍණාත්මක දේවල් ශරීරයට විශ ලෙස ක්‍රියා කරන අතර පසු කාලීනව අපව රෝගීන් බවට පත් කරයි. එබැවින් නිරතුරුව භාවනා ක්‍රම මෙන්ම ධනාත්මක සිතුවිලි ඇති පුද්ගලයන් ඇසුරු කිරීමට යොමු වන්න. එසේම ඔබ යෝගා ව්‍යායාමවලට යොමු වනවා නම් නිවැරදි ලෙස ගුරුවරයෙකු යටතේ සිදු කළ යුතු වන අතර අන්තර්ජාලයේ පවතින යෝගා ව්‍යායාම හිතුමතේට සිදු කිරීමෙන් වලකින්න.

එසේම නිරන්තරයෙන් ඉක්මණින් සමාව දෙන නම්‍යශීලී පුද්ගලයෙකු වන්න. සියලු පුද්ගලයන්ට කරුණාවන්ත වීම මගින් ඔබගේ මනස සුවපත් කරයි.

  • ප්‍රමාණවත් ලෙස ජලය පානය කරමු

 ශරීරයට අවශ්‍යය කරන නියමිත ජල පරිමාව ලෙස වැඩුණු පිරිමියෙකු දිනකට ජලය ලීටර් 3.7 ක් ද වැඩුණු ගැහැණු කෙනෙකු දිනකට ලීටර් 2.5 ක් ද ශරීරයට ගත යුතු ය. ශරීරයට දිනකට ලැබිය යුතු ජල ප්‍රමාණය මගින් ඔබේ සම සහ අභ්‍යන්තර ඉන්ද්‍රියන්ගේ ක්‍රියාකාරීත්වය පහසු කරවයි.

  • අපි අපගේ දන්ත සෞඛ්‍යය පිළිබඳව සැලකිලිමත් වෙමු

 බොහෝ පුද්ගලයන්ට පවතින ගැටලුවක් ලෙස දත් මැදීමෙන් අනතුරුව මුඛයේ ඇතිවන දුර්ගන්ධය තත්වය දැකිය හැකිය. එවන් විට ඇතැම් අය චුයින්ගම් වැනි දේවල් දුර්ගන්ධයෙන් අවම කිරීමට භාවිත කරයි. නමුත් එමගින් ඔබගේ දත් සහ දත් මුල් තව තවත් රෝගී වෙයි. බොහෝ මුඛයන්හි ඇති වන දුර්ගන්ධයන්ට හේතුව වන්නේ දත් මුල් දිය වීමයි.

වෛද්‍යය උපදෙස් නොමැතිව ජනප්‍රිය දන්තාලේප සහ මුඛ සේදුම් ( Mouth Wash) භාවිත කිරීම හේතුවෙන් ඔබ නොසිතූ අයුරින් ගැටලු මතු විය හැකිය.

එබැවින් ඔබ මාස හයකට වරක්වත් දන්ත වෛද්‍යයවරයෙකු ලවා ඔබගේ දත් පරීක්ෂා කර ගැනීම අනිවාර්යය වෙයි. මෙවන් අවස්ථාවක ඔබට ඇතිවන ඕනෑම ගැටලුවකට දවසේ ඕනෑම වේලාවක oDoc මගින් දන්ත වෛද්‍යය සහය ලබා ගත හැකිය.

අලුත් අවුරුද්දේ අපේ කාලය ශ්‍රමය ඉතිරි කර ගමු,  අලුත් අවුරුද්ද අර්ථවත් ලෙස ගත කරමු

රෝගයක් ඇති වීම හෝ රෝග සම්බන්ධයෙන් නිශ්චිත වේලවක් නැත. එබැවින් ඔබට පැය 24 තුළ ඕනෑම වේලාවක දී  වෛද්‍යයවරයෙකු සමග කතා කිරීමේ අගනා පහසුකම oDoc ඇප් එක මගින් ලබා ගත හැකිය.

ආශ්‍රිත කියවීම්

  • How to tell if you could be addicted to your phone, Thimothy J. Legg.Phd, Healthline, www.healthline.com
  • Sugar – free foods can be dangerous, Anand Holla, Nov 15,2017, timesofindia.com
  • Top tips for healthy living, Nothambria Healthcare, www.nothambria.nhs.uk
  • Beginner’s Guide to Healthy Eating, Healthline, 2021
  • 5 Tips for Healthy Skin, Mayo Clinic, 2019
Shares

Similar Articles...

Channel a doctor in just three taps

දැන්ම oDoc ඩවුන්ලෝඩ් කරන්න

Back to oDoc Blog

Categories
Blog Article

පිරිමියෙක්ව මානසිකව කඩා වැටෙන්න බැරි ද?

පිරිමියෙක්ව මානසිකව කඩා වැටෙන්න බැරි ද?

Shares

ලංකාව සහ බොහෝ ආසියාතික සමාජයන් තුළ සමානාත්මතාවය පිළිබඳ සාකච්ඡා කිරීමට බොහෝ දෙනා පෙළඹී ඇත. නමුත් අප සමානාත්මතාවය යන වචනය භාවිත කිරීමට උත්සාහ කරන්නේ රැකියාව, තනතුරු යනාදී භෞතික දේවල් අත් කර ගැනීමටයි. සමාජයක ගැහැනියක් නම් මෙසේ සිතිය යුතුයි, පිරිමියෙක්නම් මෙසේ සිතිය යුතුයි යන රාමුවල සිර වී සිටින අප ගොඩාක් තැන්වල දී ‘ ඒ ගෑනි හැසිරෙන්නේ තනිකරම පිරිමියෙක් වගේ‘ , ඒ මිනිහා කතා කරන්නේ තනිකරම ගෑනියෙක් වගේ’ යන වචන අසා ඇත්තෙමු. නමුත් යථාර්ථය නම් හැඟීම්වලින් අප සියලු දෙනාම එකම මිනිසුන් කොටසක් බවයි. මෙයට අමතරව

  • පිරිමියෙකු රෝස පැහැයට කැමති වීම
  • පිරිමියෙකු හැඩීම
  • පිරිමියෙකු භරත, කථක් වැනි නර්තන කලාවන් හැදෑරීම
  • පිරිමියෙකු රැකියාවක් ලෙස රූපලාවණ්‍යය ක්ෂේත්‍රය තෝරා ගැනීම
  • පිරිමියෙකුට ලජ්ජා සිතීම
  • පිරිමියෙකු ඉවුම් පිහුම් කරමින් දරුවන් රැක බලා ගැනීම
  • පිරිමියෙකුට සිය රැවුල වර්ධනය හෙමින් සිදු වීම

ඔහුගේ පෞරුෂයේ තිබෙන අඩුපාඩුකමක් ලෙස සලකයි.

නමුත් සමාජයේ දැනට තිබෙන බොහෝ බෙදීම් වැරදි වැටහීම්වලට හේතුව අප පරම්පරා ගණනාමව තිස්සේ ගෙන එන වැරදි විශ්වාසයන් ය. ඔබ අවබෝධ කර ගත යුතු දෙය නම් ඔබේ පුතා, පෙම්වතා, පියා, සහෝදරයා, ස්වාමිපුරුෂයා යන සියලු දෙනාම

  • මානසිකව කඩා වැටීම්වලට ලක් වෙයි
  • සිත් රිදීම්වලට ලක් වෙයි
  • බිය වීමට ලක් වෙයි
  • දිවිනසා ගැනීමට පෙළඹීමට ඉඩ ඇති බවයි

මේ අනුව බොහෝ පුරුෂයන්ට  සන්ත්‍රාස කාංසාව ( Panic Attack ) ඇතිවීමට ඉඩ කඩ පවතියි. මෙම ලිපිය තුළ මින් ඉදීරියට මේ පිළිබඳව දැනුවත් කරනු ඇත.

මොකක්ද මේ සන්ත්‍රාස කාංසාව ( Panic Attack ) කියන්නේ ?
  • එනම් පුද්ගලයෙකුට නිතර ඇති විය හැකි බිය සහ වේදනාව සම්බන්ධ කාංසාමය ( Anxiety ) තත්වයකි.

සෑම කෙනෙකුටම ආතතිය, බිය වැනි තත්වයන් සාමාන්‍යයෙන් මතු විය හැකි වුවත් මෙම සන්ත්‍රාස කාංසාව පැහැදිලි හේතුවක් නොමැතිව ඇති විය හැකිය.

සන්ත්‍රාස කාංසාවේ ( Panic Attack ) රෝග ලක්ෂණ මොනවාද ?

කාංසාව ( Anxiety ) –

කාංසාව යනු නොසන්සුන් හැඟීමක් වන අතර කාංසාව වැඩි දියුණු වූ අයෙකුට කණස්සල්ල සමග බිය වීම ඇති විය හැකිය. සන්ත්‍රාසයට පත් වීම කාංසාවේ උත්සන්නතම අවස්ථාවයි.

මොකක්ද මේ කාංසාව කියන්නේ?

කෙටියෙන්ම පැවසුවහොත් හේතුවක් නොමැතිව දුකට, වේදනාවට පත් වීම කාංසාවේ මූලික ලක්ෂණයයි

මෙමගින්  සන්ත්‍රාසය  තත්වයට පත් වූ විට බියෙන් ජීවත් වීමේ චක්‍රයක් ලෙස ක්‍රියාත්මක වෙයි.

 

එම භීතිය අතරතුර ඔබට දැඩි මානසික සහ ශාරීරික ලක්ෂණ මතු විය හැකිය. එම තත්වය මතු වන්නේ කිසිම හේතුවක් නොමැතිවයි. එම ලක්ෂණ ලෙස,

  • හෘද ස්පන්ධනය වේගවත් වීම
  • ක්ලාන්තමය ගතිය
  • දහඩිය දැමීම
  • ඔක්කාරය
  • පපුවේ වේදනාව
  • හුස්ම හිර වීම
  • වෙවුලීම

වැනි තත්වයන් මසකට වතාවක් හෝ දෙවතාවක් පැමිණිය හැකිය. එසේම ප්‍රතිකාර නොකළහොත් සතියට කිහිප වතාවක් වුව ද පැමිණිය හැකිය. එය මුල් අවධියේ දී ප්‍රතිකාර නොකළහොත් සන්ත්‍රාස ආබාධයක් කරා ගමන් කිරීමට ඉඩ පවතියි.

මෙවන් තත්වයක් උග්‍ර අතට පත් වීමට

  • නිදන්ගත ආතතිය
  • ජීවිතයේ සිදු වන කම්පන සහගත සිදුවීම්
  • ප්‍රමාණවත් ලෙස වාතාශ්‍රය නොමැති වීම
  • දැඩි ලෙස ශාරීරික ව්‍යායාමවල නිරත වීම
  • අධික ලෙස කැෆේන් පරිභෝජනය
  • වෙනත් පරිසරයක පදිංචියට යාම
  • නිදන්ගත රෝගාබාධ

    හේතු වෙයි

     

සන්ත්‍රාස කාංසාවට ( Panic Attack ) ලක් වූ අයෙක් ඉන් ගලවා ගන්නේ කෙසේද ?

ඔබ හෝ ඔබගේ සමීපතමයෙක් මෙබඳු තත්වයකට ගොදුරු වී සිටී නම් එම පුද්ගලයා ඉක්මණින්ම වෛද්‍යයවරයෙකු වෙත යොමු කළ යුතු ය.

ඔබගේ හැඟීම්, පුද්ගලික ජීවිතය පිළිබඳ වෛද්‍යවරයෙකු හමු වී කතා කිරීමට මැලි කමක් දක්වන්නේ නම් ලෝකයේ ඕනෑම තැනක සිට දුරකථනය හරහා oDoc ඇප් එක මගින් මනෝ වෛද්‍යවරයෙකු සමග සම්බන්ධ විය හැකිය.

ආශ්‍රිත කියවීම්

  • Panic Disorder, NHS,England
  • Panic Attacks and Panic Disorder, Young Men’s health, youngmenshealthsite.org
  • Men’s mental health, what you need to know, Medical News Today, www.medicalnewstoday.com
  • කාංසාව යනු කුමක්ද?, එය හඳුනා ගන්නේ කෙසේද සහ කළ යුත්තේ කුමක්ද?, warbletoncouncil.org
Shares

Similar Articles...

Channel a doctor in just three taps

දැන්ම oDoc ඩවුන්ලෝඩ් කරන්න

Back to oDoc Blog